/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Состојки:

- 500 гр. брашно

- 1/2 пекарски квасец

- млака вода

- 2 лажици масло

- малку сол

За премачкување

- маргарин

- 1 жолчка

- прехранбена црвена боја

Се замесува тесто од сите состојки. Тестото се дели на три дела. Се расукува, се премачкува со маргарин и се преклопува едно над друго како плик.

Се сучи првото тесто во крушковидна форма и се става на подмачкан плех.

Вториот дел од тестото се сучи со големина на долниот дел од првото тесто. Се засекуваат ленти скоро до крајот на тестото. Се ставаат на долниот дел од другото тесто во плехот и лентите се виткаат како спирали.

Од третиот дел од тестото отсечете парчиња за топче на капата, нос и мустаќи на Дедо Мраз. Остатокот од тестото расучете го и обликувајте ја капата на Дедо Мраз. ПОдвиткајте ја капата (како на сликата) и ставете го топчето. Формирајте мустаќи и нос на Дедо Мразот. За очи ставете две топчиња брусница.

Изматете 1 жолчка. Премачкајте ги брадата, лицето и неподвитканиот дел од капата. Во остатокот од жолчката ставете црвена боја. Премачкајте ја капата и носот на Дедо Мраз.

Печете околу 30 минути на 250 степени.