Жена

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но што всушност и прави морската вода на косата? Дали е тоа природен третман или прикриен непријател?

Што содржи морската вода?

Морската вода е богата со:

• Сол (натриум хлорид), кој дехидрира, но и има антибактериско дејство.
• Минерали (магнезиум, калиум, калциум), кои можат да бидат корисни за скалпот.
• Микроелементи и алги, кои во мали количини можат да имаат благотворно дејство.

Иако звучи здраво, проблемот е во концентрацијата и честотата на изложеност.

Како влијае морската вода на косата?

Позитивни ефекти:

• Природна текстура и волумен, косата станува побујна и помалку масна.
• Пилинг на скалпот, солта нежно ги отстранува мртвите клетки.
• Помалку првут, благодарение на антибактериското дејство на солта.

Негативни ефекти:

• Дехидратација на влакното, солта извлекува влага од косата, правејќи ја кршлива.
• Избледување на бојата, особено кај фарбана коса.
• Раздвојување на врвовите, ако косата не се мие по капење, се зголемува ризикот од оштетување.
• Распукани краеви и заплеткана коса, солта ја груби структурата и ја прави потешка за расчешлување.

Како да ја заштитите косата на море?

1. Навлажнете ја пред влегување во море.
   Влакното е како сунѓер, ако веќе е навлажнето со чиста вода, ќе впие помалку сол.
2. Користете масла или балсам кој не се измива.
   Природните масла како кокосово или арганово создаваат заштитен слој.
3. Измијте ја косата веднаш по капење.
   Дури и само со вода, за да се отстрани солта.
4. Не чешлајте ја кога е целосно мокра.
   Наместо тоа, користете широк чешел додека е влажна, не мокра.
5. Носете капа или марама.
   Посебно во најжешките часови бидејќи УВ-зраците ја оштетуваат кутикулата на влакното.

Направете домашна спреј маска за после плажа:

• 1 шолја вода
• 1 лажица јаболков оцет
• 1 лажица кокосово масло
• 3 капки етерично масло од лаванда (по избор)

Измешајте и прскајте ја косата после капење во морска вода. Тоа помага да се неутрализира солта и ја омекнува текстурата.

Морската вода може да даде волумен, природен изглед и чувство на леснотија. Но ако сакате да ви остане косата полна со живот по одморот, решението е во негата. Солта нека ја заврши својата работа, а вие почнете со хидратацијата на косата.