|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?

Утринско раздвижување за подобра рамнотежа и виталност

Редакција Рингераја, 17.11.2026
Секое утро правете нежни серии утрински движења кои многу често се инспирирани од традиционалните светски практики за движење, дишење и телесна рамнотежа.

image
Фото:Canva/Само неколку минути нежно движење можат да ви помогнат полесно да се разбудите, да ја подобрите подвижноста и да го започнете денот со повеќе енергија.
/11

За актуелни содржини и вести од светот на родителството и бременост изберете ја Рингераја како свој омилен извор на Google.
Google
Ringaraja logo
Постави


Овие активности се насочени кон постепено будење на телото, опуштање на мускулите и создавање чувство на смиреност и енергија за почеток на денот.

Наместо интензивни тренинзи и нагли движења, акцентот е на бавни, контролирани и усогласени движења со дишењето. Затоа ваквите вежби можат да бидат интересен избор за луѓе кои сакаат да го започнат утрото со лесна физичка активност.

 

Кои се придобивките од овие вежби?

Редовното практикување на нежни вежби за движење и дишење може да придонесе за подобра телесна и психичка благосостојба.

  • Подобра подвижност. Нежните движења помагаат во раздвижување на зглобовите и мускулите.
  • Подобра рамнотежа. Контролираните движења ја поттикнуваат координацијата на телото.
  • Намалување на напнатоста. Бавниот ритам и свесното дишење можат да помогнат во опуштањето.
  • Подобро држење на телото. Вежбите поттикнуваат свесност за положбата на телото.
  • Поголема енергија. Лесната утринска активност може да помогне полесно да се разбудите и да го започнете денот.

 

Кои вежби може да бидат дел од оваа утринска рутина?

Оваа утринска рутина трае кратко, но доволно да го раздвижите и телото и умот. Дел од вежбите се изведуваат додека сè уште лежите во кревет, а дел веднаш по станувањето.

1. Истегнување со насмевка и будење на телото

  • Веднаш по будењето, додека сеуште се во лежечка положба, испружете ги рацете како да сакате да го допрете таванот и испружете ги нозете.
  • Истегнете го телото во положбата која најмногу што ви одговара.(на грб или свртени лево или десно).
  • Задржете ја положбата и опуштете се околу една минута.

Оваа вежба помага нежно да ги раздвижите мускулите по спиењето, а насмевката може да придонесе за попријатно расположение и позитивен почеток на денот.

2. Нежно движење на стапалата

  • Легнете на грб со испружени нозе.
  • Полека насочете ги стапалата од себе, па потоа во спротивна насока со прстите кон себе.
  • Повторувајте го ова движење околу една минута.

Вежбата ги раздвижува зглобовите на стапалата и ги активира мускулите на потколениците.

3. Поглед кон стапалата

  • Останете легнати на грб, но испружете ги рацете во насока на стапалата, без да ја подигате главата.
  • Потоа спуштете ги рацете и нежно подигнете ги главата и горниот дел од рамената.
  • Движењата изведувајте ги бавно, без напрегање на вратот.

Оваа вежба бара внимание и контрола на движењата, но не треба да предизвикува болка.

4. Движење како да сте златна рипка

  • Легнете на грб со рацете покрај телото.
  • Правете нежни и ритмични движења на колковите и нозете лево и десно.
  • Повторувајте околу една минута.

Целта е нежно раздвижување на телото и подобрување на неговата подвижност.

5. Лесно подигнување на прсти

  • Откако ќе завршите со лежечките вежби, станете и поставете ги стапалата во ширина на колковите.
  • Полека подигнете се на прстите.
  • Потоа контролирано спуштете ги стапалата на подот.
  • Повторувајте го движењето околу една минута.

Ова движење ги активира мускулите на потколениците и придонесува за подобра рамнотежа.

6. За крај длабоко и свесно дишење

  • Застанете исправено со стапалата во ширина на рамената.
  • Вдишете низ носот и истовремено подигнете ги рацете настрана и над главата.
  • Полека издишете низ устата и спуштете ги рацете.
  • Повторете два до три пати.

Вежбата помага да го завршите утринскиот ритуал со мирно дишење и чувство на опуштеност.

 

На што треба да внимавате?

Иако вежбите се едноставни, важно е да ги приспособите на сопствените физички можности.

  • Не правете нагли движења веднаш по будењето.
  • Не форсирајте истегнување ако чувствувате болка.
  • Дишете природно и не го задржувајте здивот.
  • Ако имате проблеми со 'рбетот, вратот, зглобовите или рамнотежата, консултирајте се со лекар или физиотерапевт пред да започнете.

 

Мал утрински ритуал за подобар почеток на денот

Овој мал утрински ритуал е интересен начин да внесете неколку минути движење во утринската рутина. Нејзината вредност е во едноставноста, постепеното будење на телото и создавањето навика за редовна физичка активност.

Не станува збор за докажан метод за слабеење, детоксикација или лимфна дренажа, туку за кратка серија нежни движења што можат да бидат добар почеток на денот.

 

 

Забелешка: 

Сите материјали, публикации, коментари, теми и категории, како и целата содржина на Рингераја.мк, се од информативен карактер и истите НЕ можат да заменат консултација со лекар за дијагностика и лечење. За се што е поврзано со Вашето здравје, консултирајте се со својот матичен лекар. 

Ти се допаѓа статијата? Кликни “Like” и додај свој коментар:

Што се’ ќе се случува на Fashion & Lifesty...
Датумот [22-23 март] и местото [Македонска опера и балет] за третото издание на Fashion & Lifestyle Expo се веќе познати...
4
Зимска мода - тренди чевли и облека за ова...
За сите дами кои сакаат да изгледаат привлечно оваа зима и да бидат во чекор со новите трендови, подготвивме неколку клу...
4
Водителката Миа Костова се сврши
Таа го покажа својот веренички прстен на Инстаграм
4
Секојдневна грижа за интимната хигиена
Интимната хигиена е дел од секојдневната грижа за здравјето, но токму тука често правиме најмногу грешки.
3




Анкета

Dali?
Jana9

Dali ste ljubitel na cveke?

Da (67%)

Ne (33%)


Број на сите гласови: 6

Фала на гласовите. Гласавте веќе на сите актуелни анкети. Можеш да направиш своја анкета!