Фото:Canva/За секојдневна интимна хигиена, најчесто е доволна млака вода или благ, pH-неутрален препарат наменет за интимна употреба.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Премногу производи, агресивни формули и погрешни навики можат да го нарушат природниот баланс и да предизвикаат повеќе проблеми отколку корист.

Како изгледа здравата интимна средина?

Вагината има сопствен механизам за самочистење и природно кисела pH вредност, која штити од инфекции. Сè што го нарушува овој баланс може да доведе до: иритации, непријатен мирис, инфекции и чувство на сувост или печење.

Затоа изборот на производи е најважен.

Што треба да користите?

Млаката вода како основата на сè. За секојдневно одржување, млака вода е сосема доволна за надворешната интимна зона.

Благи интимни средства ако имате навика да користите да бидат: без парфеми, без алкохол, со pH вредност прилагодена за интимна употреба, наменети исклучиво за надворешна употреба. Користи ги умерено, но не секој ден.

Памучна долна облека која: дозволува кожата да „дише“, ја намалува влажноста и го намалува ризикот од инфекции.

Што не треба да користите?

Вагинално туширање. Ова е една од најчестите грешки. Вагиналното испирање: ја нарушува природната флора, го зголемува ризикот од инфекции, па затоа воопшто не е потребно

Парфимирани сапуни и гелови. Тие можат да предизвикаат: иритација, алергиски реакции и нарушување на pH вредноста.

Влажни марамчиња за секојдневна употреба, особено оние со мирис и алкохол. Користете ги само повремено, ако навистина е неопходно.

Често миење. Пречестото миење може да ја исуши кожата и да го ослабне природниот заштитен слој.

Посебни ситуации кога е потребно внимание

• За време на менструација, редовна промена на влошки/тампони.
• Во тек на бременост, избегнување агресивни средства.
• По сексуален однос, нежна хигиена, без претерување.
• Во менопауза, прилагодени производи по совет од лекар.

Кога да се јавиш кај гинеколог?

Ако забележите: упорен непријатен мирис, чешање или печење, необичен исцедок или болка немојте сами да експериментирате со производи. Побарајте стручен совет бидејќи тој е чекор напред кон најдобрата грижа.

Интимната хигиена не значи агресивно чистење, туку нежна, свесна и редовна грижа. Кога ја почитувате природата на своето тело, му помагате да се заштити само.

Не ти требаат многу производи туку вистинските производи и навики.