/11 /11

23-годишната мисица раскажа дека е едно од првите деца зачнати со вештачко оплодување, со помошта на докторот Robert Winston.

Бринетата Шарлот, која е родена во Плимут, откри дека нејзините родители се одлучиле за тест програмата “бебе од епрувета” по осумгодишните неуспешни обиди да добијат дете по природен пат.

“Неверојатна е помислата дека без помошта на професор Винстон, денес јас и сестра ми немаше да бидеме на свет. Јас својот живот му го должам нему и би сакала да му оддадам почит со тоа што ќе станам првата ИВФ Мис на светот.”

“Кога се откри нов лек за ИВФ третманот веднаш се пријавив и имав неверојатна среќа да зачнам веднаш. Имаме слики од моментот кога Шарлот беше само пет клетки стара и се чувствувавме благословени. Сакав да се ставам себеси во клопче од волна и така да издржам девет месеци, за да немам  спонтан абортус. Кога Шарлот се роди тежеше 2.260 грама и беше прекрасна. Само 18 месеци подоцна направивме второ ин витро оплодување со што ја добивме ќерката Луси”, раскажува мајката на Шарлот.

Шарлот веќе си обезбеди место во првите 15 натпреварувачи на Мис на светот за големото финале во Монголија, кое ќе се одржи на 18 август.