/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

За Вашето дете нокширот е нешто сосема непознато.  До моментот додека не почнавте да го споменувате и додека детето ги извршувате своите физиолошки потреби во еднократни пелени, немаше никакви проблеми.  Упорноста на родителите да го научат детето побрзо и полесно да врши нужда на нокшир, на детето му изгледа исклучително чудна.

Нокширот во очите на детето е се друго, само не и тоа за кое му е намената. За да успеете да го научите детето, треба да сте трпеливи и да ги следите знаците. Детето само ќе Ви покаже кога е време да се остават еднократните пелени.

Еден од првите значи, кој може да Ви помогне, е пореткото менување на еднократна пелена. Ако забележите дека детето ја полни пелената на поголем интервал, може да му го покажете нокширот.  Секогаш кога имате можност седнувајте го детето на нокшир и обидете се да му го одвлечете вниманието за да седи подолго време.

Драги родители, ова е една од најсложените фази во воспитувањето на детето. За повеќето деца средбата со нокширот не е најпријатното нешто. Во почетокот детето може да одбива да седи на него. Од Вас се очекува многу трпение, а ние сме тука за да Ви предложиме неколку трикови со кои ќе го олесните процесот:

1. Многу е важно на почетокот на детето да му ја објасните намената на нокширот.
2. Нокширот треба да стои на видлив место за детето да може постојано да го гледа.
3. Во летните денови дозволете му на детето да се шета голо дома и не му ставајте еднократни пелени.
4. Извадете ги еднократните пелени и седнувајте го детето на нокшир почесто. Важно е да не Ве фаќа паника и да не се нервирате, разберете дека детето до вчера не знаеше дека нокширот постои.  Децата се заигруваат и забораваат на вршењето нужда. Потсетувајте го одвреме на време да седне на нокшир и кога ќе згреши повторете му дека следниот пат треба да Ви каже, со смирен тон.
5. Најважно правило – бидете смирени и ведри. Независно колку е тешко и колку детето згрешава, не се нервирајте. Детето не го прави тоа за Вас да Ви го загорчи животот. Тоа за него е голема промена и мора да му дадете можност да се навикне.