Фото:Canva/Грижата за вашето ментално здравје е исто толку важна како и грижата за вашата бременост.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ова не е обична нервоза, туку состојба која може да влијае и на мајката и на развојот на бебето, па затоа е важно да се препознае навреме.

Кога се јавува?

Пренаталната депресија може да се појави во било кој триместар од бременоста, но тоа е најчесто во првиот и третиот триместар. Се појавува постепено или нагло, во зависност од личната состојба.

Кои се симптомите?

Најчести знаци се:

• постојана тага или чувство на празнина,
• губење интерес за работи кои порано радувале,
• силен замор и недостаток на енергија,
• нарушен сон (несоница или прекумерно спиење),
• промени во апетитот,
• чувство на вина или безвредност,
• анксиозност и постојана грижа за бременоста,
• тешкотија во поврзување со бебето.

Причини и фактори на ризик

Пренаталната депресија најчесто е резултат на комбинација од повеќе фактори.

Можни причини за појава на пренаталната депресија се: хормоналните промени, стресот и животните промени, претходна историја на депресија или анксиозност, недостаток на поддршка од партнер или семејство, компликации во бременоста како и финансиски или семејни проблеми.  

Како влијае на бременоста?

Ако не се третира, пренаталната депресија може да влијае на:

• зголемување на стресот кај мајката,
• потешкотии во самогрижата,
• нарушен сон и исхрана,
• поголем ризик за постпородилна депресија.

Дали може да влијае на бебето?

Истражувањата покажуваат дека силниот и долготраен стрес може индиректно да влијае на бременоста, но со соодветна грижа и третман, ризиците значително се намалуваат.

Како се третира?

Пренаталната депресија е состојба која може успешно да се третира.

Најчести пристапи се:

• психолошко советување или психотерапија,
• поддршка од партнерот и семејството,
• техники за намалување на стрес како одмор, лесна физичка активност и слично,
• во одредени случаи, се зема медикаментозна терапија, но само под надзор на лекар.

Кога да побарате помош?

Важно е да се обратите кај стручно лице ако:

• симптомите траат повеќе од две недели,
• секојдневното функционирање е отежнато,
• чувствувате постојана безнадежност,
• имате мисли кои ве загрижуваат или плашат.

Пренаталната депресија е сериозна, но честа состојба која може да се јави во текот на бременоста. Со навремено препознавање, разбирање и соодветна поддршка, таа успешно се контролира. Најважно е трудницата да знае дека не е сама и дека помошта постои и е достапна.