Фактот  дека двајцата, некако во исто време, ја прекинаа врската со нивните дотогашни партнери, предизвикува љубопитност: 30 годишната Cansu Dere го остави популарниот турски комичар Cem Yilmaz (37) со кој играше во комедијата “Турски каубои”, снимена по негово сценарио, а 36 годишниот Kenan Imirzalioglu ја прекина врската со 5-години помалата глумица Zeynep Beserler, со која се запозна на снимањето на ТВ серијата “Самрак”, каде играа брат и сестра.

Интересно е што во втората сезона на тој серијал помала улога доби и Cansu Dere, на која тоа и беше телевизиско деби. Со оглед на тоа дека пред снимањето на Езел заедно глумеа во филмот “Последниот турски каубој”, Cansu Dere и Kenan Imirzalioglu имале доволно време да се зближат. Бидејќи турските продуценти ги кријат љубовните врски родени на снимање се до завршувањето на серијалот, можеби вистината ќе излезе на виделина.

Пред да стане актерка, Cansu Dere била втора придружничка на изборот за мис на Турција во 2000 година. Некое време била успешен модел во Турција и Париз, каде живеела две години, а на Универзитетот во Турција три години студирала археологија, но не дипломирала.

- Од мали нозе ме интересирала историја, книжевност и историја на уметноста. Жал ми е што не дипломирав посебно заради родителите кои вложија толку многу љубов и внимание во мене. Беа очајни кога станав манекенка, бидејќи според нив тоа е потполно бесмислена работа и апсолутно се во право. Убавината сама по себе е преценета: каква корист ќе имате од убаво лице ако тоа крие празнина во душата и главата – изјавува Cansu Dere (Ејшан), која својата среќа ја пронајде како актерка.

- Кога бев модел, ми приоѓаа многу режисери и ме наговараа да се обидам пред камера, бидејќи им се допаѓаше моето лице. Бев уверена дека ми ласкаат, а потоа почнав да добивам сериозни понуди, говори Cansu Dere.
Засега, во својот луксузен стан живее сама и ако е вистина дека е во врска со Kenan Imirzalioglu, секој ден се гледаат.

- Го обожавам актерството, но не и славата, бидејќи на јавно место немам ни пет секунди мир. Секој мој збор и секоја моја постапка е под микрофон, а така понекогаш е напорно да се живее . Но кога ќе размислам подобро, тоа е мала цена која треба да се плати за сета среќа која ми ја носи актерството – заклучува Cansu Dere.