/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Формирањето на детските заби започнува уште пред раѓањето. Првото запче никнува околу шестиот месец, а сите дваесет млечни заби се изникнати до третата година. Периодот и редоследот на никнување можат да варираат. Трајните заби почнуваат да никнуваат околу шестата година.

Како да се осигураат здрави заби и добри навики за орална хигиена кај децата?

• Редовно чистење на гингивата и првите заби кај бебињата треба да го прави мајката, од самиот почеток до третата година
• Пиењето млеко и сокови со цуцла што порано да се замени со пиење од чаша (заради пократко задржување на течност во устата)
• Да се ограничи внесот на шеќери, односно да се воведе здрав избор на меѓуоброци
• Создавање навика за редовно четкање на забите
• Забите да се мијат барем два пати дневно (наутро и пред спиење), а најдобро по секој оброк , по две минути
• Да се вклучи целото семејство во создавањето секојдневни здрави навики
• Низ игра да се намали стравот од стоматолог
• Мамо и тато, помогнете ми да ги измијам забите!

Техника за миење заби

1. Да се пронајде најдобрата положба за мало дете.

2. При изборот на паста за заби, потребно е пастата да има концентрација на флуориди  соодветна на возраста на детето,пријатен мирис и вкус.

3. Да се употреби мека четка со соодветна големина.

4. Млечните заби во фаза на никнување, односно непцата на бебето, доволно е да ги исчистите со меко влажно крпче по хранењето.

5. Правилна техника на четкање

Горните заби треба да се четкаат од горе надолу, а долните од долу нагоре. Задолжително се четкаат надворешните површини (оние кои се во допир со усните и образите), внатрешните (оние кои се свртени кон јазикот) како и површините за џвакање.