/11 /11

Долната облека е нешто што секој маж го привлекува. Секој маж сака својата партнерка да ја види во секси долна облека која во истиот момент може да го возбуди. Но, мажите треба да знаат дека и жените подеднакво како и мажите уживаат во убавата долна облека на нивниот партнер. Затоа оваа статија е наменета и за мажите и за жените.

Долна облека како подарок за неа

Кога купувате долна облека за неа, секако дека како прв фактор треба да гледате да ви биде секси, односно да ве привлекува и вас. Но, немојте да заборавите и на неа, односно на нејзината удобност, па затоа:

• Барајте квалитетни материјали - Имајте предвид дека оваа облека доаѓа во директен контакт со интимната зона, па од клучна важност е, покрај изгледот, и квалитетот на материјалите.
• Погледнете во нејзиниот плакар - Задолжително пред да и подарите долна облека треба да погледнете во нејзиниот плакар, за да видите кој број долна облека носи и какви модели преферира. Големината е многу важна, бидејќи ако купите премногу тесни ќе и предизвикате линии на кожата, а таа нема да сака така да се појави пред Вас.
• Консултирајте се со продавачката - Не срамете се и објаснете и што сакате. Таа најдобро ќе ви препорача што е добро, квалитетно и им се допаѓа на жените, кои што се на возраст како вашата партнерка.

Долна облека како подарок за него

За разлика од мажите, жените обично подобро знаат да го одберат квалитетот и материјалот на долната облека наменета за него. Но единствено на што жените не внимаваат, а е многу важно, е тесноста на долната облека. Жените не можат да одолеат на тесни боксерки и затоа секогаш на своите партнери им купуваат тесна долна облека, бидејќи така изгледаат посекси. Сепак морате да внимавате - мажите не се толку проблематични во врска со комфортот па лесно ќе ја прифатат потесната облека, но постојаното носење на таа облека може сериозно да ги оштети тестисите и да го намали квалитетот на спермата. Затоа, за доброто на вашиот партнер купувајте боксерки кои одговараат на неговата широчина и возраст. Исто така, треба да внимавате при купувањето на танга за мажи бидејќи одредени мажи едноставно не можат да се замислат во такво нешто и тоа им изгледа смешно па дури и навредливо. Затоа, пред да му купите танга гаќички на вашиот партнер, прво добро испитајте дали тој би облекол такво нешто и каков став има во врска со тоа.

Облечете се секси за него

Имајте во предвид дека секогаш можете да го "купите" со секси долната облека. Сепак, има работи на кои треба да внимавате. Иако мажите се "палат" на тесни, проѕирни и танга гаќички, не на секоја жена и стојат добро сите овие типови. Не заборавајте да се погледнете во огледало и реално да пресудите дали вие сте или не сте за овој тип на долна облека. Исто така, имајте предвид дека мажите речиси секогаш ќе ги "купите" со црвената долна облека, заедно со црвен градник, па и црвена новогодишна капа - одличен зачин за вашата празнична постела.

Облечете се секси за неа 

Иако повеќето од мажите сметаат дека не е многу важно каква долна облека ќе носат - тоа не е вистина. Жените едноставно обожуваат мажи со вкус за долна облека. Нашиот совет е вашите боксерки за секојдневна употреба да бидат широки и лабави, но, пред да дојде таа, облечете нешто тесно и еластично. Жените едноставно не можат да одолеат на мажи со тесна долна облека, а кога е во прашање бојата, чистата бела боја е секогаш одлично решение. Некои истражувања покажале дека и боксерките на кои има букви и цртежи се исто така симпатични за понежниот пол. Кога е во прашање тангата, како и за мажите истото важи и за жените, најпрво дознајте дали вашата партнерка "се пали" на машка танга, бидејќи за одреден тип на жени тоа е едноставно одвратно.