/11 /11

Моментот кој го очекувате цели девет месеци, а едвај чекате да помине. Моментот за кој живеете и мечтаете цел живот, а кога ќе дојде - умирате од страв. Единствениот момент во кој сите болки, солзи, стравови и трепети ви ја носат најголемата среќа во животот.

ВАШИОТ момент на породување!

Детали

Ник: aksor82

Датум на породување: 10.09.2012   година

Тип на породување: природно

Болница: Кавадарци

Колку само го чекавме тој ден кога на свет ке дојде нашето злато.

Девет месеци порано две цртички и радост до небото, солзи и радост сето измешано, мислев се родив повторно, мојата желба да станам мајка се исполни. Имав патолошка бременост. Кога во 14 недела почнав да крварам обилно мислев светот ми се сруши, часовите додека дојде докторот да ми каже дека со бебето е се во ред ми се чинеа вечност. По една недела во болница следеше месеци строго мирување, но издржав се' само за моето мало да го земам во раце .

Како минуваа месеците станував се понестрплива. Мојот термин беше 08/09, утрото отидов на ЦТГ но од породување немаше ништо. Се договоривме со докторот ако преку викенд не се случи нешто, се гледаме во понеделник наутро.Буцко мој како да го слушна тоа и во неделата вечерта почна породувањето. Имав слаби болки и слабо крварење. Утрото во понеделникот уште рано бев на болница ме примија и ме спремаа за породување заради поминатиот термин. Ми ставија систем за да го забрзаат породувањето но мојот буцко не мислеше исто. Поминаа скоро 12 часа, јас со веќе неиздржливи болки почнав да ги губам и последните сили. Во 18 часот докторот кажа да се спрема салата за царски рез, а јас само се молев додека да средат да се роди моето мало. Тоа ја послуша мамичка и во 18.30 се роди нашиот Давид тежок 4170 грама, долг 53 cm, a јас плачев од радост.

Денес по една година уживаме во најубавите очиња и најубавата насмевка. Сега знам дека сме комплетни во секоја смисла и дека тоа е она што најмногу значи во животот. Тоа е најубавата и најодговорната задача што ја дава животот.

Рингераја му посакува среќно детство на Давид!

Сакате да ни ја испратите Вашата приказна од породувањето?

Прочитајте како во статијата Породилни приказни.