namesp во 10:12
Што со јајцата кои ќе Ви останат по Велигден?
Редакција Рингераја, 1.5.2016
Полнетите јајца се сјајно предјадење за секоја прилика, а различните филови ќе ги задоволат и најпребирливите сладокусци. Избравме неколку рецепти, за секого по нешто, а Вие може слободно да експериментирате и да додавате нови состојки
|
/11
Класични полнети јајца
Ова е убав, брз рецепт, погоден за деца, бидејќи нема зачини
Состојки:
6 тврдо варени јајца, пресечени по должина
¼ чаша мајонез
½ кафена лажица сенф
½ лажичка бела киселина
1/8 лажичка сол
¼ лажичка бибер
пиперка за украс
Извадете ја жолчката, ставете ја на чинија и испасирајте ја со вилушка. Додадете мајонез, сенф, киселина, сол и бибер и се заедно промешајте. Со филот наполнете ги белките од јајцата. Покријте ги со провидна фолија и оставете ги во фрижидер еден ден пред послужување.
Грчки полнети јајца
Состојки:
6 тврдо варени јајца
¼ чаша мајонез
1-2 лажици сенф
2 супени лажици фета сирење
1 лажица ситно сецкани маслинки
оригано
сол и бибер по вкус
пиперка
Извадете ја жолчката од јајцата, испасирајте ја во чинија и додадете мајонез, сенф, фета, маслинки и оригано. Се заедно измешајте, наполнете ги јајцата и украсете со мелена пиперка.
Јајца полнети со спанаќ
Состојки:
12 тврдо варени јајца
¼ чаша мајонез
2 лажици јаболкова киселина
2 лажици растопен путер
½ кесичка замрзнат спанаќ од кој ќе ја исцедите водата
3 ситно сецкани парчиња пушена сланина
млад лук
сол и бибер по вкус
Сите состојки измешајте ги заедно со претходно испасираните жолчки и наполнете ги јајцата. Изладете ги во фрижидер најмалку еден час пред послужување.
Како да сварите тврди јајца?
Постојат неколку начини за тоа:
- Ставете ги јајцата во големо тенџере, ставете најмалку еден литар вода, за да ги прекрие јајцата. Ставете капак и пуштете го шпоретот на најсилно. Кога водата ќе зоврие тргнете го тенџерето од оган и оставете го поклопено најмалку 20 минути. Потоа изладете ги јајцата со ладна вода.
- Во големо тенџере ставете ги јајцата и ставете најмалку еден литар вода. Тенџерете ставете го на оган и вклучете на висока температура. Откако водата ќе зоврие намалете ја температурата и оставете да се варат 14 минути. Потоа изладете ги јајцата со ладна вода.
Како да ги наполните јајцата?
Јајцата најлесно се чистат под млаз ладна вода. Јајцата може да ги полните со лажица, што е потежок начин. Најдобро е да земете кесичка за замрзнување и малку да го отсечете едниот ќош. Ставете го филот во кесичката и нежно стискајте за да ги наполните јајцата.
Ти се допаѓа статијата? Кликни “Like” и додај свој коментар:
Децата и стравот од летање
Летот со авион за некои деца може да биде вистинско возбудливо доживување, но за други вистински кошмар.
6
Летот со авион за некои деца може да биде вистинско возбудливо доживување, но за други вистински кошмар.
6
Електронските уреди и децата
Во дигиталната ера, електронските уреди како смартфони, таблети, компјутери и телевизори станаа неизоставен дел од секој...3
Во дигиталната ера, електронските уреди како смартфони, таблети, компјутери и телевизори станаа неизоставен дел од секој...
3
Мали гурмани
Умерена дебелина кај децата е нормална под услов децата да се хранат здраво и со разновидна исхрана.3
Умерена дебелина кај децата е нормална под услов децата да се хранат здраво и со разновидна исхрана.
3
10 незаборавни спомени од детството
Што е првото нешто на кое се сеќавате кога станува збор за детството? Сигурно и вие имате непроценливо богатство од десе...3
Што е првото нешто на кое се сеќавате кога станува збор за детството? Сигурно и вие имате непроценливо богатство од десе...
3
