Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
vfta во 10:14
на тема Вегански алтернативи
Слободанка Кузманова од Неготино, 24 годишна студентка по психологија на Меѓународен Славјански Универзитет Гаврило Романович Державин. Со пишаниот збор е во љубов уште од основно, а деновиве од печат излезе нејзината прва книга
|
/11
За актуелни содржини и вести од светот на родителството и бременост изберете ја Рингераја како свој омилен извор на Google.
За себе вели дека е храбра, борбена и силна.
На наше и ваше задоволство, денес Слободанка гостува во рубриката "на кафе со".
Рингераја: Кога ја откри твојата љубов кон пишувањето?
Слободанка: Љубов кон пишувањето имам од мала, секогаш им се восхитував на писателите / големите автори како умеат да создадат едно дело.
Рингераја: Кога започна со пишување и како сфати дека тука 'лежи' книга?
Слободанка: По пишувањето колумни за портали сама по себе се роди желбата. Копнежот и емоциите беа многу силни. Пишувајќи колумни континуирано, во еден момент почнав да ги поврзувам темите една со друга па добив инспирација да создадам едно дело. Така се роди „Преживеана"
Рингераја: Колку време беше потребно за да ја напишеш книгата?
Слободанка: На „Преживеана" посветив една година.
Рингераја : Од каде инспирацијата за неа?
Слободанка :Инспирацијата беше голема и длабока. Водејќи се низ искуствата на само тогашни 23 години, мотивот да се упати силна порака до секоја жена беше уште посилен. Секоја девојка и жена во ова наше модерно време, а во позадина и малограѓанството, е плен на општествениот престиж над кои се изживуваат општествено неписмени единки, пред кои мора храбро да се спротивстави и цврсто застане на нозе, да ја помириса убавината на животот и да ја посака преживеаноста. Бидејќи, мора да се живее, за да се преживее.
Рингераја : За која читателска публика е наменета?
Слободанка : Мојата „Преживеана" е наменета за сите читатели но, би го издвоила понежниот пол кој копнее да преживее.
Рингераја : Каков беше процесот околу издавањето на истата?
Слободанка : Процесот на издавање на мојот прв тираж течеше во најдобар ред. Моето прво издание е подарок од мојот универзитет каде што студирам - Меѓународен Славјански Универзитет Гаврило Романович Державин во Свети Николе, кој располага со своја издавачка куќа.
Во консултации со директорот Јордан Ѓорчев и М-р Михаела Ѓорчева, добив понуда од нив да тие ми упатат поддршка и помош околу моето издание . Се залагаа околу издавање, како тие така и целиот тим, кој макотрпно работеше на делото.
Исто така, во просториите на Универзитетот се организираше и промоцијата. Настанот го водеше директорката на институтот за култура на МСУ Соња Ризоска Јовановска а промотори на истото беа доц. д-р Ана Чучкова и проф. д-р Мирослав Пендароски.
Рингераја : Каде читателите може да ја набават книгата?
Слободанка : Книгата може да се купи online на мојата фб страна и инстаграм профил, во просториите на книжарата на МСУ, а исто така ќе биде во продажба и во останати книжарници чии имиња ќе бидат благовремено објавени.
Рингераја: Кој е твој омилен жанр и автор?
Слободанка : Ги читам сите жанрови, нема лош жанр, но би ги издвоила психолошките дела и книги. Не можам да издвојам мој омилен автор, ги издвојувам добрите приказни на сите автори.
Рингераја: Што, според тебе, ја прави добра една приказна?
Слободанка: Добра една приказна, според мене, ја прави искреноста во истата, трудот да се создаде едно дело и силните емоции.
Рингераја: И самата си активен член во читaтелските групи, па каков впечаток имаш, колку се читаат и ценат македонските автори? Имаш ли некој омилен меѓу нив?
Слободанка: Читателите ги читаат македонските автори и тоа многу ме радува. Би ги издвоила Ирена Чаушевска, Александар Николовски, Коста Петров, Весна Трајковска, Драган Таневски и многу други…
Рингераја: Што би споделила со нас, за крај?
Слободанка: Мора да се допре дното за да се одскокне кон врвот.
И благодариме на Слободанка за издвоеното време и и посакуваме многу успеси со нејзиното првенче, многу продадени тиражи и нови дела.
Читајте македонски автори!
Ти се допаѓа статијата? Кликни “Like” и додај свој коментар:
Облека што може да се носи и по породување
По породувањето, телото поминува низ многу промени, па удобноста станува поважна од било кога.
4
По породувањето, телото поминува низ многу промени, па удобноста станува поважна од било кога.
4
Facebook ги сака Вашите лица заради реклама!
Замислете да влезете во кафетерија и барменот на Ви каже: “Сакате ли двојно поевтин Johnny Walker?” Вие се мислите “Како...3
Замислете да влезете во кафетерија и барменот на Ви каже: “Сакате ли двојно поевтин Johnny Walker?” Вие се мислите “Како...
3
Маска за подмладување на Софија Лорен
Рецептот за оваа маска за подмладување потекнува лично од Софија Лорен. Оваа маска е навистина делотворна. Не е комплици...3
Рецептот за оваа маска за подмладување потекнува лично од Софија Лорен. Оваа маска е навистина делотворна. Не е комплици...
3
Како да изгледате модерно и секси во зима?
Студеното време не дозволува смели комбинации на облека, па заради тоа во зима се чувствуваме помалку модерно и секси во...3
Студеното време не дозволува смели комбинации на облека, па заради тоа во зима се чувствуваме помалку модерно и секси во...
3
