/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Депресијата може да биде предизвикана од повеќе причини. Но и откривањето дека сме болни од малигно заболување, може да не доведе да западнеме во депресивна состојба. На пациентите со полесни и потешки видови на депресија, како дополнителна терапија им се препорачува секојдневно шетање низ парк, во блиските шуми или работење во природа, како на пример садење на цвеќиња и слично.     

Две потполно независни истражувања покажале дека еко-терапијата, која во својата програма може да содржи и наједноставни вежби на отворено, значително го подобрува менталното здравје.

После прошетка низ парк во траење од најмалку половина час , 71% од испитаниците изјавиле дека се чуствуваат помалку депресивно, а 90% од нив забележале дека им се подобрила и самодовербата.

Од друга страна после шетање низ град или низ големите трговски центри, само 45% од испитаниците од оваа научна студија изјавиле дека расположението им се подобрило за нијанса, додека дури 22 % од нив тврделе дека биле уште подепресивни по шетањето низ градските гужви или низ трговските центри.

Научниците сепак стојат зад тезата дека еко-терапијата неможе да ја замени конвенционалната терапија за депресијата, но може да биде успешна дополнителна терапија.

Затоа, доколку се чувствувате вознемирено, нерасположено, тажно или депресивно излезете од дома и прошетајте низ парк или отидете до Водно, или до најблиската шумичка или планина до вашето место на живеење. Тоа сигурно ќе го подобри вашето расположение и ќе ви ја врати самодовербата.