/11 /11

А, која мајка не би посакала да го сподели своето искуство на бременоста и мајчинството?

Мојата бременост беше одлична и во најдобар ред, со исклучок на "утринските" мачнини… Да, ги ставив во наводници затоа што не ми е јасно зошто ги викаат утрински кога јас ги имав само во вечерните часови. Како и да е, за бременоста не можам да кажам многу затоа што и не знам искрено што. Уредна, лесна бременост. Понекогаш се прашував дали е се во ред со мене...пример со нетрпение го чекав моментот кога ќе го слушнам срценцето од бебето на ехо, и знаете што? Не почувствував ништо посебно, во ред да, пресреќна и задоволна што моето бебе дише и е супер,но во позадина слушам "шушкање", "тропкање" друго ништо. Си помислив добро, можеби хормоните веќе почнале да си играат со моите чувства. Следува дознавање на полот. Очајно сакав да биде момче, дури и бев сигурна дека ќе биде, се до моментот кога слушнав -" Честитки,ќе имате девојче". Измешани емоции,солзи, па радост, па повторно солзи… Добро овој пат дефинитвно хормоните владеат со моето тело. Времето поминуваше, јас спремна со облека и сите опреми за новороденче , и замислете спремна и храбра за да го донесам на свет тоа мало битие.Заедно со сопругот  одлучивме дека ќе се вика Инес. Така и бидна. Кога за прв пат ја зедов во раце реков: -"Ќе родам уште 10 деца ако со сите биде вака лесно"! Да, да… имам и сведоци за тоа затоа што го повторував се до периодот кога Инес почна да разбира, оди, зборува...Епа драги мои, лесна бременост, лесно породување… мислам доста беше. Сега со полна пареа се обидувам да се организирам во улогата како мајка. Инес е многу поврзана со мене, има 2 години и во тие две години мама не смее да и се тргне од вид ни на 2 минути! Бара внимание како и секое дете, но да бидам реална  е и малку разгалена, за тоа е одговорен тато.

Мајчинството го сменува животот тоа е точно. Но само ќе ви ја напишам реченицата што и ја кажувам на мојата мајка,па можеби ќе ви стане појасно. "ТИ БЛАГОДАРАМ МАМО ШТО МЕ РОДИ, ЗА ДА РОДАМ И ЈАС"! 

Доколку ви се допаѓа нашата приказна и доколку сакате да видете дел од нашето секојдневие следете не и на нашиот истраграм профил @inesgram.g

View this post on Instagram

A post shared by (@inesgram.g)