/11 /11

Alexander Tsiaras, началник на научната визуализација во одделот за медицина при Универзитетот Yale, изработува нов вид на визуелни технологии за да го прикаже човечкото тело.

Она што го открил ќе Ве натера да се восхитувате.

Користејќи микро – магнетна резонанца Tsiaras го следи развојот на бебето од зачнување до раѓање.

Tsiaras тврди дека развојот на човечкото тело е толку совршено организирана структура, на која е тешко да не и се припише нешто боженствено.

“Кога ќе почните да работите со овие податоци, ќе видите спектакуларни нешта.”

Во видеото гледачите можат да го видат моментот кога јајце клетката е оплодена. Во првите 24 часа се одвива првата делба на клетката, која одново се дели на секои 12 – 15 часа.

Во текот на четири недели клетките растат за еден милион во секунда. По 25 дена може да се види срцевата комора во развој. Во рок од 32 дена се гледаат рацете и нозете. На 52 дена оформени се носот и прстите.

Tsarias го нарекува целиот процес – “магија за тебе и за мене”, која почнува со делба на две клетки, а потоа се претвора во “неверојатна машинерија”.

“Магијата на механизмот во внатрешноста на секоја генетска структура точно кажува каде треба да одат нервните клетки. Комплексноста на градбата на човечкото тело е вон математичките модели на функционирање и надвор од човечкото разбирање и покрај тоа што сум математичар”.

“Тоа е мистерија, тоа е магија, тоа е нешто боженствено”, вели Tsiaras, додавајќи дека комплексноста на градбата на човечкиот организам во рамките на еден систем е надвор од достигнувањата во математиката денес.