/11 /11

Ви препорачуваме да ги побарате овие филмови и заедно со партнерот, а може и со целото семејство, да уживате додека ги гледате:

"Девет месеци" - "Nine months" (1995)

Прв на листата е секако филмот "Девет месеци", со Julianne Moore и Hugh Grant од 1995. година.

Животот на Samuel Faulkner е совршен, се додека не дознае дека неговата девојка е бремена. Бидејќи секој ден работи со деца, како детски психијатар, не е воодушевен од идејата дека ќе стане татко. Меѓутоа кога ќе го види своето неродено дете на ултразвук, потполно го менува својот став.

"Таа е бремена" - "She's having a baby" (1988)

Уште еден одличен филм снимен во далечната 1988. година, во која извонредните улоги ги одработија Kevin Bacon, Elizabeth McGovern и Alec Baldwin.

Jake и Kristy Briggs се младоженци. Како млад брачен пар не се подготвени за полната реалност на бракот и се друго што се очекува од нив, а посебно за она што нивните родители го очекуваат. Дали сакаат деца? Не се сигурни, но прашајте ги нивните родители. Опуштете се и уживајте во овој прекрасен филм!

"Резервен план" - "The back up plan" (2010)

За сите мајки кои го гледаат животот од поведрата страна!

Романтична комедија за жена (Jennifer Lopez), која  дознава дека останала бремена со близнаци, по пат на вештачко оплодување, истиот ден кога го сретнува човекот на својот живот.

Препорачуваме да погледнете каков епилог ќе има оваа интересна и комплицирана романтична приказна.