/11 /11

Просто да не знаете што е полошо – да ве разбуди алармот, а вие ненаспани, или да ве разбуди докажано најнепријатниот звук – бебешкиот плач. Така слатко би отспале уште малку, но морате да станете. Еве како најдобро да се разбудите:

При будењето:

• Не скокајте нагло од креветот. Малку загрејте го телото и разбудете се, пред да му поставите некакви задачи. Растегањето на телото може да ви помогне.
• Отворете го прозорецот и дишете. Свежиот воздух ќе ви ја разбистри главата.
• Повлечете ги драперите за да влезат сончеви зраци.
• Измијте се со ладна вода и намачкајте го лицето со крем.
• Измијте ги забите поенергично.

Кафето ќе ве подигне, но имајте на ум дека кога ќе помине дејството на кофеинот, повторно ќе се чувствувате уморни. Може да ви помогне свежо цеден сок од цитрон.

Масирајте го темето – со раширени прсти масирајте го темето од работ на косата нагоре.

Туш – но не ладен, туку наизменично топло, млако, ладно. Ова ќе ви ја подигне циркулацијата, но водете сметка да почнете постепено, од десната нога и секогаш во правецот на срцето.

Дајте му на телото гориво! – Изедете нешто хранливо, со јагленохидрати што ќе ви даде доволно енергија за претстојниот ден. Добар избор е интегрален сендвич со свежо сирење и салата, мусли со млеко и јогурт, свежо и малку суво овошје.