/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Освен што веднаш Ве асоцира на слатка закуска во летните горештини, смоквата заслужува внимание со оглед на значајната нутритивна и лековита вредност која ја поседува.

Свето овошје

Смоквата (Ficus carica) од фамилијата Дудинки (Moraceae) потекнува од Азија, а денес на големи плантажи се одгледува во земјите на медитеранскиот појас. Нејзината вредност како храна и лек им била позната на старите Грци кои ја сметале за „свето овошје“ и со закон било забрането нејзиното изнесување надвор од земјата.

Денес постојат преку 500 различни видови смокви, кои поради специфичниот вкус им се омилени на сите генерации. Може да се јадат свежи, суви, но и преработени како мармалад, слатко, компот. Замрзнати може да се чуваат до 6 месеци

Свежата смоква е богата со витамини и минерали

Свежиот плод содржи до 80% вода, 15% овошен шеќер, пектин и органски киселини.

Од минералите во 100 г смокви доминира калиум (270 мг), потоа калциум (42 мг ), магнезиум (17 мг), железо (0,370 мг), фосфор (17 мг), цинк (0,3 мг) и бакар (0,5 мг).

Бета каротенот (провитамин А) е најзастапен од витамините, како и групата на Б витамини (Б1, Б2, Б3, Б6). Витаминот Ц го има многу малку, само 3 мг.

Што содржи сушениот плод?

Сушената смоква содржи до 50% инвертен шеќер (нема сахароза), потоа органски киселини, 5% пектин, малку масни и протеински материи и околу 20% вода.

Во сувиот плод има 3-4 пати повеќе калциум, фосфор и магнезиум, а единствена разлика во содржината на витамините е што витаминот Ц во процесот на сушење се губи целосно.

Лековито дејство на смоквата:

• антиоксидантното дејство на витамините го зајакнува имунолошкиот систем;

• присуството на полифеноли во смоквите влијае на успорувањето на појавата на рак;

• помага кај воспаленија на горните дишни патишта, дејствувајќи како експекторанс

• ја помага и стимулира работата на цревата, го регулира нивото на шеќери и холестерол;

• ја стимулира работата на мозокот и концентрацијата, го подобрува расположението како резултат на дејството на магнезимот, калиумот, глукозата и триптофанот;

• го регулира клеточниот метаболизам поради богатата содржина на калиум.

Јадете смокви преку цела година

Поради сите претходно наведени факти за смоквата, истата треба да биде присутна во тек на целата година во исхраната, а нестрпливо ќе го очекуваме летото да уживаме во свежите смокви.