Фото:Canva/Без разлика дали бременоста е очекувана или изненадувачка, природно е да се прашувате: „Што следува сега?“.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Овој водич ќе ви помогне да ги направите првите чекори со сигурност и смиреност.

1. Потврдете ја бременоста кај лекар

Домашниот тест е сигурен, но гинеколошки преглед или крвен тест е неопходен за потврда. Лекарот ќе направи ултразвук и ќе ја утврди гестациската возраст на бременоста.

2. Почнете со пренатални витамини

Фолната киселина е најважна во првите недели бидејќи го намалува ризикот од дефекти на невралната туба кај бебето. Педијатрите и гинеколозите препорачуваат да се започне веднаш по позитивниот тест.

3. Размислете за вашите навики

• Сменете ја вашата исхрана. Внесувајте повеќе свежо овошје, зеленчук, интегрални житарки и протеини.
• Доколку консумирате алкохол и цигари веднаш прекинете со нив.
• Скоро сите сме љубители на кафе, но сега ограничете на максимум една шолја дневно.
• Практикубајте физичка активност како: лесни прошетки, јога за трудници или пливање.

4. Внимавајте на симптомите

Умор, чувствителни гради, гадење и промени во расположението се вообичаени. Сепак, ако имате силни болки, крварење или вртоглавици, веднаш обратете се на лекар.

5. Организирајте ја поддршката која ви е потребна

Бременоста е и физичка и емоционална промена. Споделете ги вестите со партнерот и блиските кои ви се поддршка. Психичкото здравје е исто толку важно колку и физичкото.

6. Почнете да водите дневник на бременоста

Запишувајте симптоми, прегледи и препораки од лекарот. Ова ќе ви помогне да се чувствувате организирано и смирено низ целиот процес.

Позитивниот тест за бременост е почеток на едно ново патување. Со правилна грижа, информираност и поддршка, првите чекори ќе бидат полесни и ќе ви овозможат да уживате во секој момент од оваа посебна фаза.