PCOS е хормонално нарушување кај жени во репродуктивна возраст, кое предизвикува нерамнотежа на хормоните и го нарушува менструалниот циклус, функцијата на јајниците и општото здравје.Кои се симптомите?
Полоцистични јајници ПЦОС
Симптомите може да се разликуваат, но најчести се:
- Нередовни менструации (предолги циклуси или целосно отсуство)
- Полицистични јајници – ултразвучно се гледаат мали, незрели фоликули („цисти“)
- Зголемена влакнатост (на лице, брада, стомак)
- Акни и масна кожа
- Проблеми со плодност – потешкотии при забременување
- Зголемување на телесна тежина или тешкотии при слабеење
- Потемнета кожа во некои делови од телото (врат, пазуви)
Што го предизвикува PCOS?
Точната причина не е позната, но постојат неколку фактори:
- Генетика. Синдромот на полицистични јајници (PCOS) често се јавува кај жени од иста фамилија, што укажува на можен генетски предиспониран фактор. Истражувањата покажуваат дека наследноста игра значајна улога во развојот на состојбата.
- Инсулинска резистенција. Кај многу жени со полицистични јајници, телото не го користи правилно инсулинот – хормонот што помага глукозата да влезе во клетките. Ова води до инсулинска резистенција, што предизвикува покачени нивоа на инсулин во крвта. Високиот инсулин може да придонесе за хормонален дисбаланс и зголемено лачење на андрогени (машки хормони), што дополнително ги влошува симптомите на PCOS.
- Хормонален дисбаланс. Жените со полицистични јајници често имаат зголемено ниво на тестостерон и други машки хормони (андрогени). Овој хормонален дисбаланс може да предизвика симптоми како појава на вишок влакна по телото (хирзутизам), акни и проблеми со менструалниот циклус.
Ако не се третира овој проблем може да доведе до:
- Дијабетес тип 2
- Проблеми со срцето и притисок
- Неплодност
- Депресија и анксиозност
- Зголемен ризик од рак на ендометриумот (сливницата на матката)
Како се дијагностицира?
- Разговор и медицинска историја
- Гинеколошки преглед
- Хормонални анализи
- Ултразвук на јајниците
Третман и начин на живот
Нема „лек“, но симптомите можат успешно да се контролираат:
- Здрава исхрана и контрола на телесната тежина
- Редовна физичка активност
- Лекови за регулирање на хормоните (анти-бебе таблети, метформин итн.)
- Специјален план за забременување, ако е потребно.
PCOS е честа, но контролирана состојба. Раната дијагноза и поддршката од гинеколог и нутриционист можат значително да го подобрат квалитетот на животот. Не игнорирај симптоми – телото секогаш зборува, важно е да го слушнеме.
Ти се допаѓа статијата? Кликни “Like” и додај свој коментар:
Слични содржини, кои ги читаат другите корисници
На што морате да внимавате во раната бреме...
Бремени сте, а вашиот плод на љубовта е на пат? Со тоа треба да обрнете внимание на четири важни работи во првото тримес...
3
Фотографии од протестот против законот за ...
Фотографии од протестот против безумниот предлог закон за абортус, кој се одржа вчера, 06. 06. 2013 пред Собранието на Р...
3
Свекрва на породилно?!
Моментот на посакување добредојде на новиот член во вашата фамилија, малиот јунак или малата принцеза, е бесценет. За пр...
3
Како се породувале жените во минатото?
Во текот на годините, со развојот на цивилизацијата, се развивала и медицината. Така и жените добиле поголема сигурност,...
3