/11 /11

Матичните клетки од ткивото на папочната врвца можат да се размножат до поголем број, извонредно се стабилни и не поттикнуваат силен имун одговор, рече постариот истражувач Bridget M. Deasy, асистент на одделот за ортопедија при медицинскиот факултет во Питсбург. Клетките се добиваат од желатинозното ткиво на папочната врвца, познато уште како Вартонова слуз, како и од ѕидовите на крвните садови.

„Нашите експерименти укажуваат на тоа дека најмалку 21 милион матични клетки, а најверојатно дури и до 500 можат да бидат добиени од една папочна врвца после раѓањето на бебето “-рече таа. „Значи папочната врвца може да стане достапен извор на огромен број матични клетки со што ќе се надминат бројните ограничувања, како на пр. ограничената количина и број, како и возраста и полот на донорот, кои се јавуваат при користење на други извори на адултни матични клетки.“

Др. Deasy и нејзиниот тим анализираа фрагменти од папочна врвца со должина од две стапки (60-на см), кои беа донирани за истражување, барајќи матични клетки во Вартоновата слуз и ѕидовите на крвните садови кои поседуваат карактеристични протеински клеточни маркери. Потоа истражувачите бараа оптимален начин да ги изолираат матичните клетки од папочните врвци и ги тестираа во лабораторија, за да ја докажат нивната способност да создадат специјализирани клетки, на пр. клетки на коска и рскавица, истовремено задржувајќи ја непроценливата способност да се самообновуваат.

Истражувачите ќе ги употребат овие сознанија и ќе ги употребат матичните клетки од папочна врвца за зацелување на повреди и оштетувања на коски и рскавици, како и регенерација на мускули.

Повеќе информации: http://www.hindawi.com/journals/jbb/2009/789526.html

Извор:  University of Pittsburgh Schools of the Health Sciences