/11 /11

Виетнамските  семејства ги одвикнуваат децата од пелени практично од моментот на раѓање и тоа на начин што мајките секој пат кога ќе ја препознаат нивната потреба за мокрење – свиркаат.

Децата на тој начин учат да го поврзат свиркањето со мокрење и до девет месеци би требало да бидат во состојба пелените да останат суви – се додека редовно се потсетуваат да седнат на нокширче, известува Journal of Pediatric Urology.

До втората година, кога повеќето деца кај нас започнуваат со одвикнување од пелени, виетнамските деца веќе со целиот процес управуваат сами.

Децата кај нас во денешно време подоцна се одвикнуваат од пелени отколку што тоа бил случај во минатото, но во Виетнам што поранато одвикнување традиционално се смета за работа на престиж.

Шведски научници, кои го проучувале обичајот на виетнамските семејства, велат дека, освен што може да заштедите пари за пелени и време поминато менувајки ги, да научите да го контролирате меурот многу рано во животот може да биде подобро за здравјето на уринарниот тракт.

Во минатото на мајките кај нас им се советувало да почнат со одвикнување од пелени кај децата до првата година, но денес упатството е поинакво – обично помеѓу 18 месеци и две години на старост – па дури и подоцна.