Гасови кај бебиња

/11 /11

Она што дополнително ја усложнува ситуацијата е тоа што многу родители и без да сфатат, прават грешки кои ја влошуваат непријатноста.

1. Брзо хранење и недоволно подригнување

Кога бебето цица или пие млеко пребрзо, голта повеќе воздух. Ако по хранењето не се задржи доволно време во исправена положба за да подригне, гасовите остануваат „заробени“.

Решение: Хранете го бебето полека и секогаш задржете го во исправена положба 10-15 минути по оброк.

2. Неправилна положба при доење или дохрана со шишенце

Понекогаш аголот под кој бебето се храни овозможува да голта повеќе воздух.

Решение: Држете го така што главчето ќе биде повисоко од стомачето, а кај исхраната со шишенце цуцлата секогаш да е полна со млеко, без меурчиња воздух.

3. Претерана употреба на чаеви и капки

Во обид да му помогнат на бебето, родителите често експериментираат со чаеви или капки. Но, прекумерната употреба може да предизвика контраефект.

Решение: Консултирајте се со педијатар пред да воведете каков било додаток. Најчесто, правилното хранење и масажа се доволни.

4. Игнорирање на масажата и физичката активност

Нежната масажа на стомачето и вежбите со ножињата како „возење велосипед“, можат значително да помогнат во исфрлањето на гасовите. Многу родители го прескокнуваат ова, мислејќи дека е неважно.

Решение: Секојдневно одвојте неколку минути за масажа и игри кои го стимулираат движењето на цревата.

5. Паника и пренесување на нервозата

Бебињата ја чувствуваат енергијата на своите родители. Кога тие се вознемирени и нервозни, бебето станува уште понемирно, што дополнително ги влошува грчевите.

Решение: Обидете се да останете смирени. Нежно лулање, контакт кожа на кожа и тивка музика можат да донесат големо олеснување.

Гасовите кај бебињата се нормална појава која со време ќе помине, но начинот на кој родителите реагираат може да направи голема разлика. Со правилни навики како: бавно хранење, правилна положба, нежна масажа и смиреност, непријатноста може значително да се намали, а бебето и родителите да уживаат во повеќе мирни моменти.