За прв пат иновативната технологија овозможи изведување на трансплантации на ткива, без употреба на лекови против отфрлање на истите.

Г-ѓа Claudia Castillo е мајка на две деца и денес е совршено здрава, известува "The Lancet". Таа имаше потреба од трансплантат, за да го сочува белодробното крило по прележана туберкулоза. Болеста и ги имаше уништено дишните патишта. Научници од Бристол помогнаа во одгледувањето на клетки за трансплантантот и европскиот тим верува дека ваквите вештачки направени органи би можеле да станат нормална процедура.

Со употреба на сопствените клетки на г-ѓа Castillo, лекарите успеале да го измамат нејзиното тело да мисли дека донираната трахеа е дел од него и со тоа да спречат нејзино отфрлање. Операцијата претставуваше голем успех и само четири дена по трансплантацијата, новатата трахеа речиси не можеше да се разликува од нормалните околни дишни патишта. Кога и по четири месеци немало знаци на отфрлање , професор Macchiarin изјави дека шансите за тоа да се случи во иднина се речиси еднакви на нула. ²Ние сме многу возбудени од овие резултати. Таа сега има нормален живот што за нас клиничарите претставува најголем подарок²- изјави тој.

Денес г-ѓа Castillo води нормален живот и може повторно да  се грижи за своите деца Johan, 15 и Isabella, 4. Може да искачува и по две скалила без да се задиши.

Martin Birchall, професор по хирургија на Универзитетот во Бристол, кој учествуваше во одгледувањето на клетките за трансплантатот рече: „Ова претставува голем чекор за хирургијата. Хирурзите сега може да почнат да го осознаваат и разбираат потенцијалот на возрасните матични клетки и ткивен инженеринг за радикално подобрување на нивната способност за третирање на пациенти со сериозни заболувања. ”

Од Michelle Roberts

Репортер за здравство, BBC News