/11 /11

Симптоми на грипот се температура, кашлица, болки во грлото, затнат нос, болки во телото, главоболка, чувствителност на светлина, замор, пролив и повраќање.

Иако грипот може да направи компликации кај сите лица, некои лица се под зголемен ризик од појава на тешки компликации, како што се воспаление на белите дробови и бронхитис:

• деца помали од 5 години, а посебно помали од 2 години.
• лица постари од 65 години
• трудници

Лица кои страдаат од болести како:

• астма
• невролошки пореметувања во развој (церебрална парализа, ментална ретардација, мускулна дистрофија и слично)
• хронични болести на белите дробови
• болести на срцето
• болести на ендокринолошкиот систем
• болести на бубрезите
• болести на црниот дроб
• пореметувања на метаболизмот
• ослабен имунитет заради ХИВ, СИДА или рак

Милиони луѓе во светот не се свесни дека страдаат од некои, од претходно наведените, состојби. на пример, 1 до 4 лица кои страдаат од дијабетес, не го знаат тоа.

Најважно е правилното лечење

Ако припаѓате на ризична група и заразени сте од грип, важно е да започнете што порано со земање на препишаните лекови. Лековите најдобро делуваат ако почнат да се земаат во текот на 2 дена од појавата на првите симптоми.