/11 /11

Истражувањето покажало дека тој процент е поголем меѓу тинејџерите со старост од 12 – 16 години. 60% од нив би биле тажни, а 40% се чувствувале осамени кога не можеле да сурфаат по интернет.

Студијата открива дека на двегодишните деца најмили им се i-Pad – и, а тинејџерите се зависни од мобилни уреди.

“Силната емотивна врска која децата ја развиваат со интернетот се смета за негативна појава, но тоа е потполно природно за генерациите чиј социјален живот се одвива on-line. Тоа е исто како да им го одземете фиксниот телефон на постарите лица. И тие би се чувствувале тажно и осамено”, објаснува Пол Хадсон директор на компанијата “Interspirience”,  која го спроведе ова истражување.

Анкетата покажала дека децата помали од 12 години многу вешто користат интернет, 74% од нив играат игри on-line, 65% го користат интернетот за домашни задачи, а повеќе од една третина би купиле, или би продале нешто.

Децата често користат интернет за да ја проверат цената на некои производи, посебно облека. Во студијата се покажува дека децата на возраст од 8-11 години ќе извршат поширок спектар на активности на интернет, отколку возрасна личност.

Иако родителите се загрижени заради силната емотивна врска на младите со интернетот, истражувањето покажало дека децата најмногу сакаат да разговараат со своите врсници и најчесто за тоа го користат интернетот.

Сепак, проверувајте кои страници ги посетува детето и бидете во негова близина кога се забавува на интернет.