/11 /11

Тоа подразбира повремено да ја промените бојата на косата, килажата, за да добиете комплимент дека сте ослабеле – што е знак дека Ве забележува, малку да го промените стилот на облекување и оној за на улица и оној за во кревет, па да користите нови сексуални техники за тој да стекне впечаток дека Вие не сте Вие, туку тоа е личноста од неговите соништа, по бурно поминатата ноќ.

Заедно со тоа одат и статиите кои наговестуваат дека децата внесуваат хаос во брачниот живот, малку заради тоа што морате да ги одгледувате и воспитувате, да дежурате ноќе додека имаат температура, да добивате пролив на нервна база додека имаат и тие, да ги водите на слободни активности, а најмногу од се' заради тоа што повеќе сопругот не е центар на Вашиот свет, туку е на второто, резервно седиште. Стручњаците за машките чувства тврдат дека баш во тој период мажите се најчивствителни па морате, колку и да сте мртви мртвосани без престан да му објаснувате и покажувате колку го сакате.

Како и да е брачниот живот не е полноќна забава и со себе носи море од егзистенционални и семејни обврски и проблеми, таги и радости, па е многу тешко да најдете слободно време за со топли пуканки да изгледате добар филм, да се држите за раце и бесцелно даа шетате, да се затворите неколку дена и да ги исклучите телефоните.

Многу “добронамерници”  ќе Ви тврдат дека бракот ја убива љубовта и дека жената постојано мора да биде на штрек, како војник на стража, за да не дојде денот кога мажот ќе каже: “Драга, не си повеќе она што беше, си се изменила.”

Секако, мажите не претеруваат, жените навистина се менуваат. Не само заради тоа што се во брак, па се опуштиле туку и заради тоа што времињата се менуваат, па и жените исто така.

Секако, тие мора да прифатат дека со тек на време Вие и Вашето тело ќе се промените и однадвор и одвнатре, дека нема да имате затегнат задник до крајот на животот, гради кои се стремат кон небото, долги нокти, долги нозе, штикли од 12 cm., да бидете нашминкана, да се трансформирате од куварка во дама, од уморна жена во порно глумица и згора на тоа да внимавате како се однесувате со него.

Дури и кога ќе биде проќелав, ќе има замерки за Вашата фризура.

Дури и кога ќе добие пивски стомак, ќе Ви замери дека сте се здебелила.

За време на викенд, со обрасната брада, ќе Ви замери затоа што до пладне се шетате во пижами.

По сексот ќе Ве праша дали Ви било добро, иако знае дека одговорот е не. Добрите љубовници не прашуваат за тоа.

Ако нешто од ова Ви се случи, потсетете го дека ниту тој не е она момче кое беше. Прашајте го кога последен пат Ви доделил комплимент, кога Ве прашал како Ви помина денот, кога пивото од две литри го заменил со шише сортно вино и кога рекол: “Остави ја крпата, пеглата, садовите и седи заедно да изгледаме еден филм.”

Прашајте го дали навистина мисли дека не се изменил, ни во изгледот, ниту со однесувањето. На паметен маж ова прашање ќе му биде доста.