/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ладно море

Капењето во море не влијае на производството на млеко, тоа исклучиво зависи од количината која Вашето дете може да ја изеде.

Пливање

Доколку сте мајка и професионален пливач, во текот на одморот зголемете ги оброците за да не Ви запре лактацијата. Пред да влезете во море надојте го бебето бидејќи по интензивното вежбање млекото може да добие соленкаст вкус, што на Вашето малечко можеби нема да му се допадне. Доколку само се капите во морето, се' останува по старо.

Базен

Базенската  вода има малку хлор. Откако ќе излезете од базен, измијте ги градите со слатка вода. Направете го тоа за да бидете сигурни дека бебето нема да дојде во контакт со хлор. Освен тоа хлорот ја суши кожата, па тоа може лошо да влијае на Вашите брадавици. Доколку планирате да се капите во базен, носете крем со ланолин , со кој ќе се мачкате секоја вечер.

Пресоблекување

По пливање облечете сув горен дел од купачите.  Синтетичките материјали долго се одржуваат влажни, што влијае на развој на соор. Оваа гливична инфекција може да се пренесе на целата дојка, а и на бебешката уста.

Крем за сончање

Кремовите за сончање и самопотемнување слабо се апсорбираат во крвотокот, па така и во млекото. Затоа од нив нема опасност за доење. При нанесување водете сметка да не се мачкате во деловите на дојката кои доаѓаат во допир со устата на бебето.

Почесто доење

Додека сте на одмор понудете му на бебето почесто да јаде отколку дома. На бебињата мајчиното млеко им е и вода и храна и незаменлива утеха. Кога ќе го смените опкружувањето некои бебиња веднаш ќе се навикнат на новонастанатата ситуација, додека некои ќе бидат збунети. Кога бебето е нервозно, најлесно се смирува со доење.