/11 /11

Познато ли Ви е тоа чувство кога ќе ве обземе неодолива желба за слатко ? Или можеби за солено ? Тоа е поголемо и од гладот.Тоа речиси е анимална потреба која открива многу за нас. На светот не постои човек кој во одреден момент од животот не почувствувал потреба за точно одредена храна – слатко, солено, кисело или луто. Кај некого тоа се случува почесто, а кај некои поретко. Зошто баш токму тоа чувство на глад е толку силно и речиси нагонско?

Желбата за точно одредена храна има физичка компонента, но дава увид во човековиот карактер, појаснува Алан Р.Хирч, автор на книгата „Кој вкус е вашиот карактер?“

Ви откриваме што говори желбата за точно одредена храна за вашиот организам, но и за вашиот карактер.

Желба за солено

Тело: Ако сонувате за солено  можеби ви недостигаат минерали во организмот. Истражувањата покажуваат дека исхраната сиромашна со калциум предизвикува желба  во организмот за солена храна. Тоа, најверојатно, е поради тоа што натриумот привремено го зголемува нивото на калциум во крвта, кое организмот преку измама успева да го увери дека проблемот е решен. Постои можност и вам во организмот да ви недостига железо и калиум.

Карактер : Хирч вели дека лугето кои имаат желба за солено  живеат на начин  со кој му се препуштаат на животото. Со други зборови, таквите луге веруваат дека нивната судбина ја одредуваат надворешни околности и влијанија, а не тие самите.

Желба за слатко

Тело : За чоколадото и за слатки посегнуваме сите, бидејки од тоа добро се чувствуваме. Имено ,чоколадото го поттикнува испуштањето на серотонин – хормон заслужен за доброто расположение. Слатките делумно имаат улога на антидепресив кој брзо дејствува. Проблемот е во тоа што еднакво бргу престанува дејството, па организмот бара нова доза.

Карактер

Зависи од кој вид слатки сакаат, но најчесто станува збор за луѓе кои сакаат да се дружат и да се забавуваат. Хирч наведува дека тоа се луѓе кои знаат да уживаат, но понекогаш сакаат да бидат сами.

Желба за зачинета храна

Тело : Ако тешко се смирувате и често сте напнати, можно е Вашиот организам да има потреба за лута храна за добро да се испотите.Можеби ова на прв поглед Ви се чини контрадикторно, но објаснување има...Зошто на пример јадеме мексичка храна дури и кога температурите се неподносливо високи? Некои истражувања покажуваат дека луѓето знаат да станат зависни од зачинета храна.Таквата храна го зголемува крвниот притисок, го забрзува дишењето. Некои луге уживаат во таквото чувство на возбуда.

Карактер : Луѓето кои сакаат зачинета храна се склони кон перфекционизам. Сакаат ред и дисциплина , а не сакаат да губат време. Уживаат и во ситни детали.

Желба за слатко и солено истовремено

Тело :Ако забележувате дека имате желба за комбинација од солено и слатко, знајте дека на вашиот организам му недостигаат гликоза и натриум.Тоа му е потребно на организмот за да може нормално  да функционира. Кога клетките ќе ја забават својата функција, а организмот ќе се умори, на пример, се јавува желба за комбинација од сладолед и пуканки.

Карактер : Таквите луге најмногу уживаат во сопствената приватност. Исклучително се креативни, но своите идеи и дела сакаат да ги зачуваат за себе бидејки се склони кон самотија.