Мамма во 18:19
на тема Песнички на македонски
Некои трудници одат на часови и вежби за опуштање, некои многу читаат и се информираат за техниките за раѓање, некои размислуваат за средства за намалување на болката, или за царски рез. Подготовките за породување се важни, бидејќи некои од техниките за породување навистина ќе Ви бидат од корист. Ви даваме неколку совети како да го олесните периодот откако ќе настапат контракциите.
Опуштање и визуелизација
Кога контракциите ќе се интензивираат, потребно е што повеќе да се опуштите, макар што природниот инстинкт ќе Ви вели сосем спротивно. Доколку успеете да се опуштите, не само што Вашето тело подобро ќе го поднесе процесот на породување, тоа ќе ја релаксира материцата и ќе овозможи продуктивни контракции, па Вашето тело ќе може да лачи ендорфин, што претставува природен лек за намалување на болките. Доколку се опуштите доволно и не сте под стрес, на Вашето бебе ќе му овозможите подобар доток на кислород. Освен тоа, ќе ја зачувате силата за моментот на породување и ќе бидете помалку исцрпени кога бебето ќе дојде на свет.
Некои жени успеваат да се опуштат низ вештината на визуелизација. Тоа е нешто што можете да го вежбате во тек на бременоста, за да бидете спремни кога ќе почне породувањето. Тоа може да биде визуелизација на нешто што Ве прави среќни и опуштени, било да замислувате дека лежите на мирно и суво место како што е зелена ливада, песочна плажа, удобен кревет, или нешто што Ве опушта. Притоа многу е важно постојано да го одржувате чувството на среќа и смиреност, што ќе Ви помогне да останете опуштени.
Дишење
Правилното дишење исто така ќе Ви помогне да се опуштите. Не заборавајте да дишете рамномерно во тек на контракциите, длабоко и пополека. Фокусирајте се на дишењето, така ќе ги свртите мислите од болките и ќе се опуштите.
Еве неколку корисни совети за техниката на дишење:
- За време на контракциите, вдишете на нос, а издишете низ уста. Меѓу контракциите дишете нормално и опуштено.
- На некои жени им помага при издишување на изговараат “ммм” или “ааа”.
- Фокусирајте се на некој друг, како што е Вашиот партнер, бабицата или некој предмет и насочете го дишењето во тој правец.
- Доколку е Вашиот партнер со Вас на породување, поттикнете го да Ви зборува додека издишувате, за да можете повеќе да се фокусирате на зборовите кои Ви ги изговара.
Пронаоѓање на најдобра положба
Положбата на телото има голема улога во олеснување на породувањето. Во текот на контракциите обидете се да ја менувате положбата на телото и пронајдете ја најдобрата. Секако, препорачливо е да се движите и да не лежите цело време во иста положба. Во првата фаза на контракции се препорачува:
- Исправена положба на телото која ќе поттикне производство на хормони неопходни за породување, а ќе помогне и влијанието на гравитацијата.
- Положба со раширени нозе, клечење или седење на столица, што ќе помогне да се рашири грлото на матката.
- Положба во која телото е свиткано нанапред – што ќе помогне да се прошири просторот меѓу грбот и долниот дел на материцата. Во таа положба мускулите на материцата ќе ја извршуваат својата функција попродуктивно, а бебето ќе има повеќе простор.
Доколку ги заборавите сите совети, техниката на дишење, положбите и визуелизацијата, не грижете се. Породувањето е природен процес и потребно е само да се контролирате и да го следите сопствениот инстинкт.
Среќно!
pumpici za izmolzuvanje
Автор: fetusce
pumpici za izmolzuvanje elektricna Lun
moite najmili
Автор: selvi
Продвижение групп ВК
Автор: prodvijenieVK
Привет! Занимаюсь раскруткой групп ВК!!
Онлайн вакансии
Автор: onlinerabota
Бизнес на дому! Проводите время в сети
moite najmili
Автор: jovanja
забава Бремените
Автор: bobik
Правилна грижа за забите во училишна возраст
Стоматолошката грижа за децата на училишна возраст може да биде многу ...
Што да јадат децата за да имаат здрави заби?
Сите сме слушнале дека млекото гради силни коски. Но, дали знаевте дек...
Вештачката интелигенција ги управува апаратите во домот
Паметен дом (Smart Home) е концепт во кој сите главни апарати за домаќ...
Твори - Читај - Биди хуман - Проект на Софија Петковска
ТВОРИ – ЧИТАЈ – БИДИ ХУМАН е проект кој под водство на Софија Петков...
Дренвин - Извонреден природен помошник против целулитот
За Дренвин, имаме неколку анонимни изјави од луѓе кои го користеле про...
Носот.
пеперутка16
Како го чистите носот на малите деца?