/11 /11

Алармантниот извештај од  Texas Health Science Center покажува дека најпопуларната храна од супермаркетите вклучувајќи ги  млечните  производи, месото, зачините, пијалоците и тестата за пица, се контаминирани со разни хемиски состојки кои се нарекуваат фталати.

Фталатите најчесто се користат за омекнување на пластиката, а се наоѓаат во шампоните, детергентите, средствата за чистење, лосионите и завесите во бањата. Но, новото истражување покажува дека можат да се најдат и во пакуваната храна.

Кога фталатите ќе се додадат на пластиката, не се соединуваат во потполност, што значи дека можат да се пренесат многу лесно на храната.  Ова е застрашувачки факт бидејќи фталатите се поврзуваат со рак на дојка, вродени маани, астма, моторички проблеми кај децата и сексуална дисфункција кај мажите.

“Добро е што проценетата вредност на контаминација е мала и се смета за сигурна, според мислењето на агенцијата за заштита на околината, за разлика од претходните студии”, рече доктор Ochner. Тој советува:

Јадете помалку млечни производи и свинско  месо

Во текот на испитувањето, овие производи имале највисок процент на фталати. Тоа би можело да биде од пластичните цевки кои се користат  за млечните крави и пластичната амбалажа за месо.      

Не користете пластични садови и амбалажа     

Наместо пластични садови и кутии за чување на храната, користете стаклени. И секако, не затоплувајте храна во пластика.

Купувајте свежа риба и месо од месара, а не во пластика

Се што не е пакувано  или завиткано во пластика е подобро. Интересно е што телешкото месо имало најмала концентрација на фталати, од другите производи кои биле тестирани.

Пијте вода од славина, а ако морате, користете  шише од поквалитетна пластика

Ако на дното на шишето  видите  броеви 3 или 7, вратете го назад. Тој вид на пластика содржи фталати, предупредува  dr. Ochner.