Фото:Canva/Малите навики создаваат големи резултати. Правилната хигиена го штити бебето, му носи удобност и помага во здрав раст и развој.

/11 /11

Иако изгледа како сериозен предизвик, со неколку основни чекори лесно се создава дневна рутина што обезбедува здравје, удобност и чистота.

Во продолжение се најважните активности кои секој родител треба да ги следи.

1. Менување пелени - редовно и внимателно

Бебето треба да се пресоблекува на секои 2 до 3 часа или веднаш по извршена нужда.
Важно е:

• да се користат влажни марамчиња или млака вода за чистење,
• да се исуши нежно кожата,
• да се нанесе заштитна крема за спречување иритации,
• пелената да не биде премногу стегната.

Ова го спречува црвенилото, осипот и непријатноста.

2. Секојдневно миење на лицето и рацете

И без бањање, бебето треба секојдневно да се освежува. Со мека газа или памучна крпа натопена во млака вода се чистат: лицето, наборите околу вратот, рачињата и дланките, деловите зад ушите.

Овој мал ритуал спречува акумулација на пот и нечистотии.

3. Бањање неколку пати неделно

За новороденчињата најчесто доволни се 2 до 3 бањања неделно, додека поголемите бебиња може да се бањаат и секој ден.
Совети:

• користете блага, хипоалергена бебешка козметика,
• проверете ја температурата на водата, да биде околу 37°C,
• никогаш не го оставајте бебето само во када.

Бањањето е и момент за релаксација и поврзување со родителот.

4. Чистење на очи, нос и уши

Овие деликатни делови бараат посебна нежност.

Очите се чистат со стерилна газа натопена со вода и тоа секое око со нова газа.
За носот по потреба се користи физиолошки раствор и бебешко аспираторче.
Кај ушите се чисти само надворешниот дел. Никогаш внатрешно со стапчиња.

5. Грижа за папочната рана додека не отпадне

Папочната рана мора да биде чиста и сува.
Обично се: чисти со стерилна газа, се избегнува покривање со пелена и се остава да се проветрува.

Целта е да се спречат инфекции и да зарасне природно.

6. Миење и четкање коса

Дури и ако бебето има малку косичка, нежното четкање ја подобрува циркулацијата на скалпот и спречува појава на темни делови на кожата, а истовремено го релаксира бебето.

Косата се мие со бебешки шампон 1 до 2 пати неделно.

7. Носење чиста и удобна облека

Облеката треба да биде: памучна инежна на допир. Исто така треба редовно да се менува а нејзината хигиена и чистота да се обезбедува со перење со бебешки детергент.

Чистата облека ја спречува иритиранaта кожа.

8. Одржување на ноктите

Бебешките нокти растат брзо и можат да го изгребат лицето.
Се кратат со специјални бебешки ножички или турпија, најдобро додека бебето спие.

Секојдневната хигиена не е само рутина туку е дел од љубовта и грижата што му обезбедува на бебето да има најповолно опкружување за раст и развој. Со нежност, внимание и правилни навики, овие мали ритуали стануваат моменти на поврзување и доверба.