/11 /11

Чудо № 1 Време за сè!

Секој ден ме демнат бескрајни листи досадни задачи. Препишувам, степенувам, редуцирам - и сепак нешто останува незавршено. Лоша организација, се обвинувам самата себе. И си ветувам дека утредента ќе сум по-исполнителна. Кого лажам? А и зошто е потребно претерување? Има време за сè. Со мало дете дома тешко дека ќе успеам со грандиозните планови баш сега. Затоа повторно ја изменувам долгата листа со обврски и се залагам само за три точки:

1.Насмеј се;

2.Поиграј со децата;

3.Укради малку слободно време за себе.

Ваквиот  вид на план за денот многу повеќе ми се допаѓа. И сигурно ќе успеам да го реализирам целосно.

    

Чудо № 2 Повторно во детството

Имам два магични билети со кои можам да патувам без ограничувања во земјата на детството. Секој ден се организираат нови "патувања" до различни места: до вртелешките во паркот, во продавниците за играчки, на претстави во циркус, во куклен театар. Има и ексклузивни понуди како: подрипнување на една нога, одење по тесна ивица, шлапкање во длабока вирчиња, цртање со прсти, редене на загатки, посакување добредојде на дедо Мраз.

Се сеќавам на пакостите од моето детство и тоа ми помага да бидам порезервирана. Белјите и децата се неразделни, едно без друго не можат. И колку порано го прифатиме овој факт, толку полесно ќе ја играме улогата на родители.

Чудо № 3 магична спална

Дома си имаме специјален кревет, лимитирана верзија.

Навечер легнуваме двајца, а често наутро - о, магија! Се будиме четворица. Во текот на ноќта може да добијам и некоја клоца во глава, но наутро за сè има лек. Двете заспани детски насмевки го бришат споменот за пакостите од претходниот ден.

Заборавам на молкнењето пред градинката, за тропањето со нога во продавницата за играчки, за незадоволното чепкање од јадењата за вечера и за моето прогресивно намалено трпение.

Сега сè изгледа како забавна семејна комедија која сум гледала на ТВ. Новата епизода претстои.

Чудо №4 ангели без крила!

Да, тоа се моите деца. Сигурно и твоите исто. Понекогаш се слатки и добри, понекогаш - своеволни и неподносливи. Пред неколку години, кога за прв пат го видов двете црти на тестот за бременост, наивно се заколнав дека ќе бидам "најдобрата мајка на светот".

Во очекување на второто дете итро ја променив формулацијата и таа веќе звучеше вака: "добра мајка за моите деца". Од неодамна веќе немам слични болни амбиции.

Сега сум само мајка - понекогаш сум слатка и добричка, понекогаш - своеволна и нетрпелива. И знам дека дома сите сме ангели без крилја, но за жал премногу често го забораваме тоа.