/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Свечено ветувам дека:

-          Ќе мислам на себе како родител. Јас не сум само нечиј пријател, работник, нечие дете. Јас сум и родител. Тоа е можеби и најважната улога која ја имам.

-          Ќе се обидам своето дете да го разберам и поддржам. Тоа нема никого освен мене. Дури подоцна врсниците ќе бидат значајни во неговиот живот, но дури и тогаш, јас ќе бидам негов родител. Други мајка и татко нема никогаш да најде.

-          Ќе ги контролирам своите амбиции и ќе ги негувам неговите. Моето дете не треба и не мора да биде исто како мене. Тоа треба да има сопствени соништа и желби.

-          Ќе разговараме, ќе се договараме, ќе преговараме. Комуникацијата секогаш ќе биде начинот за разбирање и основа за доверба.

-          Ќе го казнувам кога ќе морам. Но само со зборови и без понижувања.

-          Ќе ги извршувам ветувањата кои ги давам. Затоа ќе внимавам што ветувам.

-          Ќе им дозволам право на грешка. Често заборавам дека моето дете е само дете. Тоа се развива и учи на сопствените грешки. Неопходно е за тоа да бидеме свесни.

-          Ќе ја негувам неговата самодоверба. Ќе го пофалам кога ќе можам, не само за постигнатите резултати, туку и за вложениот труд.

-          Ќе го почитувам неговото мислење. И мене во детството ми беше многу важно родителите да ме сослушаат и да го разберат она што сакам да им го кажам. Тоа му е важно и на моето дете.

-          Ќе го запознаам детето со неговите права.  Ќе бидам првата личност која ќе ги почитува тие права. Моето дете заслужува живот со полни права.

-          Во секоја возраст детето освен права ќе има и обврски. Тие ќе го поттикнуваат неговиот понатамошен развој.

-          Постојано ќе го потсетувам колку го сакам. Иако верувам дека тоа го знае, важно е тоа да му го покажувам. Така ќе го негувам нашиот однос, а тоа ќе расте со уверување дека има поддршка.

-          Ќе се обидам на своето дете да му обезбедам и корен и крила. Така ќе се научи да се бори, да победува и да губи...бидејќи има каде да се врати...во безбедноста на домот и семејството.