Германскиот писател James K. Flanagan пред смртта на своите внуци им напишал емотивно писмо за најголемите вредности во животот. Освен неговите деца и внуци, писмото го воодушеви цел свет. Прочитајте го!
Фланаган почина лани, брзо по составувањето на писмото, кое во јавноста неодамна го сподели неговата ќерка Рејчел.
Драги Ryan, Conor, Brendon, Charlie и Mary Catherine,
Мојата драга ќерка Rachell бараше од мене да напишам неколку совети за вас, оние кои ги научив во животот:
Го започнувам ова писмо на 8 април, 2012 година, на мојот 72-роденден
- Секој од вас е најубав подарок од Бога на вашето семејство и на целиот свет. Сеќавајте се на тоа секогаш, посебно кога се сомневате во себе и кога сте обесхабрени.
- Не се плашете од никого и ништо и живејте го животот со полни гради. Следете ги своите желби и надежи без разлика на тоа колку се тешки и колку се разликуваат од другите. Луѓето често не го работат она што сакаат, или што би требало, бидејќи постојано размислуваат што ќе мислат или речат другите. И запомнете уште една важна работа – луѓето кои нема да ви донесат супа кога сте болни, или кои не се покрај вас кога сте во неволја, не се битни!
- Сите ние сме сосема обични луѓе. Некои носат прескапа облека или имаат големи титули и моќ и мислат дека се над сите останати, но не е така. Тие имаат исти сомнежи, стравови и надеж, јадат, пијат, спијаат, како и целиот нормален свет.
- Кога ќе пораснете и ќе имате деца секогаш имајте ја на ум старата ирска поговорка: фалете ги децата и тие ќе цветаат.
- Бидете добри и помагајте им на луѓето, посебно на послабите, на оние кои се уплашени и немоќни и на децата. Сите во себе носат некаква тага и потребно им е Вашето сочувство.
- Немојте да се придружувате во војска или во било која друга организација, која ве тера да убивате. Војната е зло! Сите војни се започнати од стари луѓе кои ги наговориле младите луѓе да мразат и да се убиваат меѓусебно. Старците ќе преживеат и ќе ја завршат војната со молив и хартија, исто како што ја започнале.
- Читајте книги колку повеќе можете. Тие се прекрасен извор на уживање, мудрост и инспирација.
- Секогаш бидете искрени.
- Патувајте секогаш кога сте во можност, посебно додека сте млади. Не чекајте да се сложат сите коцки, или да имате доволно пари. Тоа не не случува никогаш.
- Изберете работа или професија која ќе ви се допаѓа. Секако, ќе има и лоши моменти, но работата мора да ви биде уживање.
- Не викајте! Тоа никогаш не успева, а ве повредува и вас и другите. Секогаш кога викав доживував неуспех.
- Секогаш исполнувајте ги ветувањата кои им ги давате на децата. Немојте да велите ќе видиме, ако знаете дека одговорот е не. Децата очекуваат вистина, дајте им ја со љубов и добрина.
- Никогаш не велете некому дека го сакате, ако не е така.
- Живејте во хармонија со природата: излезете надвор, одете во планина, на река, на море. Тоа е многу важно за душата.
- Прегрнете ги луѓето кои ги сакате. Кажете им веднаш колку ви значат, не чекајте да биде предоцна.
Ти се допаѓа статијата? Кликни “Like” и додај свој коментар:
Слични содржини, кои ги читаат другите корисници
Како да знаеме дали детето е левучар ?
Како да го учиме да пишува, црта, сече…ако сме десничари?
4
Кога имате дете...
Поминаа деновите кога вашето малечко го нарекувавте бебе. Наместо тоа сега имате мал пријател преполн со енергија, кој з...
4
Детски игри за поттикнување на креативноста
За детето да не го поминува слободното време пред екраните од мобилните телефони или таблети, експертите советуваат роди...
4
Др. Рајовиќ: Како им поставувам граници на...
Армија родители не знаат што да прават со своите деца. На детето е тешко да му се постават граници, па тие одат во крајн...
4