/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Сите на големо се радуваат на Новогодишните празници, меѓу останатото и заради подароците кои тогаш се добиваат. Иако тогаш главното внимание е насочено на најмалите, една мајка направила список на желби за себе. Била сурово искрена и еве што напишала.

“Веќе неколку седмици децата ме прашуваат што сакам да добијам за Нова Година. Мојот одговор е како и обично – не ми треба ништо, само сакам децата да ми се здрави и среќни.

Меѓутоа, тие во главно се добри и без оглед на тоа колку им велам да се трошат непотребно, тие ќе одделат пари и ќе ми купат некоја ситница, како ноќница или некој кујнски предмет. Ќе бидам многу благодарна, бидејќи знам дека го направиле тоа затоа што ме сакаат.

Но финтата е во тоа што...всушност лажам. Не сакам само децата да бидат среќни и здрави. Секако дека тоа ми е прва желба и најважно нешто на светот, но постојат уште неколку работи за кои буквално сонувам. Заради тоа размислувам оваа година на своето семејство да му доставам список со желби.

-          Сакам да гледам телевиозиска емисија која нема петстотини пати да биде прекинувана од реклами за детергенти, тампони и средства кои ја зголемуваат потенцијата.

-          Сакам сите заедно да ручамње и вечераме за да не морам да ја поставувам и кревам масата петстотини пати.

-          Сакам секој од нив да ја излиже лажицата од еурокрем или џем, пред да ја стави во мијалникот.

-          Не сакам во нашиот дом да се пцуе, да се споменува насилство и да се гледаат реални шоуа.

-          Сакам трпезариска маса без никакви трошки и остатоци од храна.

-          Сакам во автомобилот повеќе да не наоѓам остатоци од помфрит, чипс и смоки.

-          Сакам сите чорапи на овој свет (ако ништо друго, барем во мојата куќа) да ја најдат сами својата сродна душа и својата друга половина.

-          Сакам конечно  да се наспијам како човек.

-          Сакам некој друг да го храни и шета кучето.

-          Сакам со кафето да седнам на компјутер макар пет минути пред некој да викне Мамоооо.

-          Сакам секогаш од прва да ги најдувам ножичките, моливот и селотејпот.

-          Сакам децата и мажот да заборават како се користи далечинскиот управувач.

Јасно ми е дека повеќето од моите желби нема да се исполнат, но на крајот на краиштата, барем знам дека ќе добијам ноќница или некој кујнски апарат. И тоа е сосема во ред, бидејќи знам дека доаѓа со љубов. Ако малку подобро размислам, добро би било да добијам ноќница, бидејќи оваа која ја имам е излитена и стара неколку години!”