|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Однос баба/дедо - внуци во време на пандемија

Марина Кљајиќ Петковски, 20.1.2021
Доколку сте семејство кое не живее во заедница, знаете од колкава помош се повремените посети од баба и дедо или одењето на вашите деца на гости или на преспивање кај нив
Клучни зборови:

image
/11


Освен што е добредојден тој одмор за вас како родители, бенифитите од дружбата со баба и дедо за вашите деца се непроценливи.
Ситуацијата со Ковид придонесе тие средби да станат се поретки или воопшто да згаснат, како што е случајот со нашите дедовци и баба и моите деца.

 
И самите тие, откако добија внуци, често знаат да кажат дека внуци се сакаат повеќе и од родените деца.
Искрено посакувам и јас и сите вие еден ден да го почувствуваме ова на своја кожа.
Откако започна ситуацијата, деновите се претворија во месеци и скоро година, контактите меѓу нас и нашите родители и децата со дедо/баба се сведени на минимум, на разговори преку видео повик, на кратки средби од далеку на отворено под маски, со "допирање" на рацете преку стаклото од прозорецот и постојаното потсетување : бегај подалеку, не пуштај раце...

 Колку е сето ова... тажно!
Тажно за бабите и дедовците на кои им недостасуваат малите слатки прегратки, за децата кои тагуваат за бабините приказни за добра ноќ и дединото носење ушка. Тажно за мама и тато на кои душа им плаче кога на своите родители им викаат "не допирај го детето" или на детето "подалеку од дедо/баба". Да не ги заборавиме и деновите во кои можеа да одморат во празна куќа додека децата престојуваа кај дедо и баба.


Сепак, главниот акцент би го ставила на децата и како врз нив влијае оваа Разделба од дедо и баба.

Бабите и дедовците денес се повеќе од повремени посетители кои носат подароци. Бабите и дедовците имаат незаменлива улога во развојот на детето. Според Американското здружение за психолози и социолози , бабите и дедовците и внуците имаат мерливи ефекти врз психолошката благосостојба на едни со други.
Овие столбови на мудрост, сила и поддршка имаат уникатни врски со нивните млади внуци и го поттикнуваат учењето и развојот на децата.
Во 2011 година, Бирото за попис на САД изјави дека 24% од децата на возраст под 5 години биле рутински згрижени од баба и дедо. Надополнувајќи го тоа, MetLife во 2012 година изјавил дека кога ги прашувале бабите и дедовците кои се нивните причини за помагање околу внуците, 58% одговориле „затоа што уживам да го правам тоа“.
За дете, да имате баба и дедо околу себе значи да имате совршен придружник за забава, креативност и фантазија. Не само што можат да го запознаат вашето малечко со повеќе интерактивни игри што не би ги научиле на друг начин, туку исто така ќе играат и имагинативни игри кои само тие ги знаат и на начин на кој само тие умеат. Кога родителите ќе се почувствуваат малку презаситени со сите одговорности околу децата, бабите и дедовците се тука за да помогнат мама и тато да уживаат и во останатиот сегмент од животот покрај родителството.


Според Американското здружение на баби и дедовци, 72% од бабите и дедовците сметаат дека да се биде баба и дедо е единствената најважна и задоволувачка работа во нивните животи!


Бабите и дедовците исто така му даваат чувство на сигурност на вашето малечко. Фактот што се родители на нивните родители, ги прави мудри и сигурни во очите на вашето дете; овозможувајќи им да развијат блиски односи од многу рано. Студиите исто така покажаа дека имањето блиска врска со баба и дедо има позитивни ефекти во тинејџерските години; време кога вашето дете може да помине низ промени во однесувањето и општеството и му треба дополнително лице од доверба . Артур Корнхабер, М.Д., основач на Фондацијата за баба и дедо и автор на неколку книги за баба и дедо, споменува „Можеби ќе речете дека постои „глад кај постарите“ за мудроста на постарите луѓе. Кога бабите и дедовците ги споделуваат своите приказни за времето и животот со адолесцентите, тие исто така го споделуваат своето срце и дух. Тоа е моќно и наградувачко искуство за двете генерации “.

Иако ситуацијата и дистанцирањето придонесуваат за отсуство на семејните "очи во очи" интеракции, технологијата е неверојатна алатка што можеме да ја искористиме за да ја задржиме врската меѓу себе.
Користете го секој момент за интернет комуникација на вашите деца со нивните дедовци и баби, задоволството и бенефитите се обострани.


Студиите направени со мали деца и Facetime, покажуваат дека на околу 17 месеци вашето малечко знае со кого разговара и всушност може да добие нешто значајно од видео-разговорот. Плус, оваа алатка е овластена според упатствата на Американската академија за педијатрија. Значи, можете да бидете сигурни знаејќи дека вашето малечко сè уште може да има блиски односи со неговите баби и дедовци дури и од далечина.
Се разбира, со нетрпение очекуваме да ни се вратат тие интеракции лице в лице, што дефинитивно е незаменлив вид на комуникација, но дотогаш, да ги користиме сите начини и ресурси кои ни се на располагање.

Посветено на сите дедовци и баби.

 

Подготви: Марина Кљајиќ Петковски

Фото: Татковци во породилна сала
Овие скапоцени фотографии кои ја изразуваат возбудата на татковците кои ги поддржуваат своите партнерки во просторијата ...
728
Како да разговарате со децата, за да бидет...
Начинот на кој разговараме со нашите деца има значително влијание врз нивното учење и способноста да не слушаат. Ггенера...
58
Како да препознаете дисхармоничен развој к...
Со навршени 2 години пред родителите се појавуваат многу прашања кои многу често си ги поставуваат за растењето и психом...
30
Блог: Колку што го сакам тој сон, толку и ...
Прекрасен излив на мајчински чувства од Елена Наумовска - @mother.of.three.daughters
15


Ти се допаѓа статијата? Кликни “Like” и додај свој коментар:



Анкета

ajde da izbereme imence
richiegirl

:)))

anabela (26%)

pamela (2%)

ena (24%)

natali (14%)

jelena (13%)

nela (20%)


Број на сите гласови: 201

Фала на гласовите. Гласавте веќе на сите актуелни анкети. Можеш да направиш своја анкета!