Менструална хигиена

/11 /11

Денес, изборот е поголем од кога било. Постојат влошки, тампони и менструални чашки, секој со свои предности и недостатоци.

Влошки

Најчесто користено решение, особено кај тинејџерки и жени кои не сакаат внатрешни средства. Предностите се: фактот дека се лесни за употреба, погодни за ноќна заштита и достапни насекаде. Недостатоци се тоа што можат да создадат чувство на непријатност при движење и со нив постои поголема веројатност за појава на непријатен мирис ако не се менуваат редовно

Тампони

Поставуваат заштита одвнатре, што им овозможува поголема слобода при движење и активности. Предностите се: идеални се за спортски активности и пливање, дискретни под облеката. Недостатоците се: што е потребна почеста промена (на секои 4–6 часа) и носат мал ризик од синдром на токсичен шок ако се користат неправилно.

Менструални чашки

Силиконски или гумени чашки што се поставуваат во вагината и ја собираат менструалната крв. Предностите се: економичност (траат со години), еколошки без отпад и можат да се носат до 12 часа. Недостатоците се тоа што треба да се стекне пракса за правилно поставување и не секоја жена се чувствува удобно со нив.

Совети за здрава менструална хигиена:

• Менувај го средството за заштита редовно, без разлика на видот
• Измиј ги рацете пред и по промена
• Носи памучна долна облека за подобра вентилација
• Одбери решение што одговара на твојот стил на живот и чувствителност

Нема универзален одговор кое средство е најдобро. Важно е да го најдеш она што ти одговара и да ја одржуваш хигиената правилно. Твоето тело заслужува грижа и внимание, особено во тие неколку дена од месецот.