Фото:Canva/Хормоните играат клучна улога во секоја фаза од бременоста. Нивното следење помага за здрав тек и навремена реакција.

/11 /11

Иако хормоните не можат да се контролираат во класична смисла на зборот, постојат начини да се одржи нивниот баланс и да се намалат непријатните симптоми.

Кои хормони играат клучна улога?

Во текот на бременоста, неколку хормони се особено важни:

• Прогестеронот ја одржува бременоста и влијае на опуштање на мускулите.
• Естрогенот го поддржува развојот на матката и плацентата.
• Хуман хорионски гонадотропин (hCG) го сигнализира почетокот на бременоста.
• Окситоцин кој е важен за породување и поврзување со бебето.

Како да го поддржите хормоналниот баланс?

1. Балансирана исхрана

Храната директно влијае на хормоните.

Затоа внесувајте протеини, здрави масти и цели зрна, внесувајте овошје и зеленчук богати со витамини. Јадете редовно да имате стабилна енергија

2. Доволно сон

Недостатокот на сон може да го наруши хормоналниот баланс.

Обидете се да соиздадете рутина за спиење и да спиете 7 до 9 часа. Исто така одмарајте се кога чувствувате замор.

3. Намалување на стресот

Стресот влијае на хормоните и може да го зголеми нивото на кортизол.

За да си помогнете со регулирање на стресот практикувајте длабоко дишење, лесни прошетки, релаксација и време за себе.

4. Лесна физичка активност

Движењето го подобрува расположението и циркулацијата.

Практикувајте пренатална јога, пешачење и лесни вежби, но по препорака од лекар.

5. Редовни лекарски контроли

Следењето на бременоста помага навреме да се откријат евентуални хормонални нарушувања.

Кога да се консултирате со лекар?

Побарајте совет ако имате:

• изразени промени во расположението,
• силен замор,
• проблеми со тироидната жлезда,
• необични симптоми што ве загрижуваат.

Хормоналните промени во бременоста се природни и неопходни, но со здрав начин на живот и редовна грижа за себе, можете значително да го олесните нивното влијание.

Наместо да се обидувате да ги контролирате хормоните, фокусирајте се на баланс и одмор.