/11 /11

Тие би направиле сè за своите најмили, па понекогаш дури и би измислиле некој совет, кој  и да не е сосема точен, на крајот од денот му носи добро на нивното малечко.

Родителите ќе измислат сè само за нивните деца да јадат и да бидат здрави. Но, дали сите нивни совети се точни?

Вистината зад советите од родителите:

„Кога си болен не смееш да јадеш сладолед.“

Замислете, не се чувствувате добро, плус, ви е скратено вашето најголемо задоволство.

Но, сладоледот не ја влошува состојбата на пациентот, а може дури и да ја подобри. Тој ја намалува болката во грлото и поради калориската вредност му дава енергија на ослабениот организам.

„Семките од лубеница ќе ви израснат во стомакот.“

Оваа теорија родителите мораа да ја смислат поради мрзеливоста на децата. На децата им е навистина здодевно да ги плукаат семките, па ги голтаат.

Вистината е дека нема да ви израсне растение лубеница во организмот и семките природно ќе ги исфрлите од организмот за 2-4 дена. Сепак, може да ви направат проблеми со гастроинтестиналниот тракт.

„Децата што пијат кафе нема да пораснат големи и ќе им порасне опашка.“

Кај децата кафето ќе го има истиот ефект, како и кај возрасните. Ќе им ја подобри концентрацијата и будноста.

Но, пиењето кафе пред 14-годишна возраст може да има несакани ефекти врз неоформениот нервен систем, на хормоните и на намалување на нивото на калциум во телото. Па, така пиењето кафе навистина влијае негативно на растот на децата.

„Ако го кренеш брзо, ништо не му е.“

Овој совет го обожаваат децата, па дури го практикуваат и кога ќе станат возрасни.

Ништо страшно нема да се случи ако ја изедете паднатата храна, но треба да знаете дека времето минато на земја не е одлучувачко. Ако има бактерии на земјата, а има насекаде, тогаш тие за помалку од 5 секунди ќе се најдат на вашето паднато парче храна. Тие веќе ќе бидат на него, без разлика колку брзо вие да го кренете.