Фото:Canva/Целта е безбедно породување и добро здравје за мајката и бебето.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Целта е породувањето да се одвива безбедно и во најдобар интерес на здравјето на мајката и детето.

Што значи индуцирано породување?

Тоа е предизвикување на породувањето со помош на лекови или други медицински методи кои го омекнуваат и отвораат грлото на матката и со тоа предизвикуваат контракции. Тие помагаат породувањето да започне или да напредува.

Кога најчесто се препорачува?

1. Кога бременоста го надминува терминот

Ако бременоста трае повеќе од 41 недела плацентата почнува да ја губи својата функција и со тоа се појавува зголемен ризик за бебето.

Во такви случаи лекарот може да препорача индуцирање на породувањето.

2. Кога ќе пукне водењакот, а нема контракции

Ако плодовиот меур пукне, а породувањето не започне се зголемува ризикот од инфекција, може да биде потребно поттикнување на контракциите.

3. При покачен крвен притисок или прееклампсија

Индуцирано породување често се препорачува ако мајката има: висок крвен притисок, прееклампсија или други состојби кои можат да ја загрозат бременоста.

4. Кога бебето не напредува доволно

Лекарот може да предложи индуцирање ако:

• бебето расте побавно од очекуваното,
• има намалена количина на плодова вода,
• постојат промени во работата на плацентата.

Како се изведува индуцираното породување?

Постојат неколку методи.

Најчесто се користат:

• лекови за омекнување и отворање на грлото на матката,
• инфузија со окситоцин за поттикнување на контракциите,
• механички методи за подготовка на грлото,
• контролирано пукање на плодовиот меур во одредени случаи.

Дали индуцираното породување е поболно?

Искуството е различно кај секоја жена.

Можно е контракциите да бидат поинтензивни, породувањето да трае пократко или подолго и да биде потребна епидурална анестезија.  

Сепак, многу жени успешно раѓаат природно и по индуцирано породување.

Дали секогаш е успешно?

Не секогаш ова породување е успешно.

Успехот зависи од:

• зрелоста на грлото на матката,
• неделата на бременост,
• здравствената состојба на мајката и бебето,
• причината поради која се индуцира породувањето.

Во некои случаи, доколку породувањето не напредува, може да биде потребен царски рез.

Индуцираното породување е безбедна и често неопходна медицинска постапка која се применува кога продолжувањето на бременоста може да претставува ризик за мајката или бебето. Одлуката секогаш се носи индивидуално, по внимателна проценка на состојбата и со цел да се обезбеди најбезбедно породување и за мајката и за новороденчето.