/11 /11

Додека е бебето сосема мало, тешко е да се одреди дали е доволно нахрането. Се случува, посебно на бебињата хранети со адаптирано млеко, да им се даде повеќе храна отколку што е потребно. Исто така, на бебето може да му е потребно повеќе храна отколку што добива.

Знаци кои укажуваат на премногу храна:

• Ако бебето се храни со адаптирано млеко и консумира повеќе од 120-180 мл. по оброк
• Бебето повраќа по хранење (делумно или целосен оброк)
• Столицата на бебето е мека и воденаста, осум или повеќе пати дневно (ова не важи за доените бебиња кои имаат почести и по меки столици).

Знаци кои укажуваат на премалку храна

• За доени бебиња, ако престанат да цицаат по 10 минути и помалку.
• Бебето помалку мокри, менувате 3-4 пелени дневно. Ако бебето почнало да спие цела ноќ, треба да се зајакнат дневните ороци. Кога бебето не јае цела ноќ, може благо да дехидрира и поретко да мокри.
• Бебето има нередовна и тврда столица во првиот месец.
• Бебето бара да цица набрзо по оброкот.
• Кожата на бебето станува жолта.

Знаци на алергија или дигестивни нарушувања

• Бебето повраќа поголема количина или цела храна по оброкот.
• Има слаба и воденаста столица осум или повеќе пати, или има крв во столицата.
• Има интензивен и нагласен осип на кожата.