/11 /11

Тоа е скоро за 1,24 пати побрзо од брзината на звукот.

Баумгартнер успешно се приземји во истониот дел на пустината во Њу Мексико околу 9 минути по скокот од капсулата, која беше издигната на височина од 38 километри. По слетувањето Феликс победоносно ги крена рацете, а пријателите и гледачите во командниот центар скокнаа и избувнаа во радосни овации.

За време на скокот беа срушени три рекорди – пробивање на звучната бариера при слободно паѓање, скок од најголема височина и највисок лет контролиран со балон.

Според неговата изјава, пред скокот тој не мислел на рушењето рекорди. Единствено нешто кое го сакал е да се врати жив. Феликс додаде дека не сакал да загине пред очите на родителите, пријателите и сите луѓе кои го гледаа.

Феликс раскажа дека скокот започнал добро. Тој започнал да се врти на глава како што се очекувало, но заради неизвесни причини вртењето станало толку силно што не можел да го запре. Тој објасни дека ако си падобранец можеш да го почувствуваш струењето на воздухот и да го насочиш телото во правилна насока, но заради тоа што бил во скафандер, не ја чувствувал воздушната струја и постојано се борел да го запре вртењето.

На молбата да го опише чувството на пробивањето на звучната бариера Феликс одговорил дека е тешко да опише, зошто не почувствувал кога точно го направил историскиот чин, бидејќи во скафандерот се чувствувал како во гипс.

На прашањето која е следната негова цел, Баумгартнер одговори  дека ќе му вдахнови на своето поколение љубов кон екстремниот спорт и ќе очекува по 40 година од својот син да биде запрашан како да го подобри неговиот рекорд.