/51 /11

Овој викенд, на 17-ти и 18- ти  ноември, со почеток во 12 часот во Веро Центарот ќе продолжат  „Детските ноемвриски супер викенди’. Предвидената програма за овој викенд ќе понуди нови содржини кои ќе го привлечат вниманието на најмалите. Во центарот на случувањата ќе бидат театарските и куклените претстави, маскотите и пантомимичарите кои ќе ги пречекаат сите посетители како и проекција на највозбудливите цртани филмови од популарните детски канали на голем екран.

Сите заинтересирани посетители ќе имаат можност да бидат дел од ваквите интерактивни семејни случувања и во последниот викенд од месецов кога за забавата ќе се погрижи познатиот Ивце-Пивце , а дечињата  ќе уживаат во песните на популарниот детски хор „Поточиња“, како и во најразновидните игри подготвени специјално за нив : бинго за деца, барање скриено богатство, скокање во вреќи и многу други забавни активности. 

Веро – центарот постојано се труди да подготвува интересни и незаборавни доживувања за сите свои посетители, па така и ноемвриските викенди ќе бидат исполнети со семејна забава за сечиј вкус.