Фото:Canva/Играта не е губење време. Таа е природен начин на учење кој создава поуспешни и мотивирани ученици.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но истражувањата и практиката покажуваат спротивно. Децата кои учат преку игра често стануваат поуспешни, посамостојни и помотивирани ученици во училиште.

Играта не е спротивност на учењето, таа е негова основа

Преку играта децата: ја развиваат концентрацијата, учат да решаваат проблеми, ја вежбаат меморијата и логичкото размислување, го развиваат говорот и комуникацијата и учат соработка, трпение и почитување правила

Овие вештини се клучни за училишниот успех.

Што всушност учат децата додека се играат?

- Когнитивен развој. Кога детето гради кула од коцки, тоа воедно планира, проценува и учи за причина и последица.

- Јазичен развој. Преку симболична и игра со улоги детето го збогатува речникот и учи да ги изрази мислите и емоциите.

- Социјални вештини. Играта со други деца помага во: решавање конфликти, градење емпатија и развој на самоконтрола.

Рано академско учење. Дали е корисно или штетно?

Раното учење букви и бројки не е штетно, но само ако е прилагодено на возраста, се одвива преку игра и не создава притисок или натпревар.

Прераниот фокус на формално учење може да ја намали љубопитноста, да создаде отпор кон учење и да предизвика стрес кај детето.

Што велат истражувањата?

Децата кои во градинка имале повеќе слободна и водена игра, а помалку седење и пополнување на работни листови, подоцна покажуваат подобри социјални вештини, поголема самоконтрола и поголема мотивација за учење.

Како изгледа добар баланс во градинка?

Играта треба да е во центарот на вниманието, учењето да доаѓа преку искуството односно преку активностите, раскажување приказни и музиката. Целта на градинката не е детето да знае сè, туку да сака да учи.

Повеќе игра во градинка не значи помалку знаење туку подобра основа за учење и живот. Децата кои учат преку игра градат самодоверба, љубов кон учењето и вештини кои траат цел живот.