/11 /11

Научници од Универзитетот во Тексас во Остин, спровеле анкета за вклучување на родителите во процесот на домашна работа.

Според нив, помошта на родителите во основно училиште не е неопходна и може негативно да влијае на добрите перформанси на децата во повисоките одделенија. Зошто родителите не треба да им помагаат на децата во домашната работа, видете ги следните причини

Децата губат мотивација за учење

Според резултатите од анкетата, колку повеќе родителите се вклучени во процесот на пишување на домашна работа со своите деца, толку помалку детето ќе сака да учи само. Децата чии родители седат до нив и им покажуваат што да прават, го контролираат секој чекор или дури ја пишуваат домашната задача наместо нив, имаат најмала мотивација.

Ако сакате вашето дете да биде мотивирано да научи нови работи, обидете се да учествувате во процесот само кога ќе видите дека му е навистина тешко. Во овој случај, добро е да му кажете, со смирен тон што не му е јасно и да го споделите вашиот успешен метод за решавање на домашните задачи.

Не учат да бидат одговорни

Кога ќе преземете целосна контрола врз домашната работа, децата нема да се научат на одговорност. Наместо тоа, замолете ги да учат лекции, да внимаваат на часовите и да преземат одговорност за лошите резултати. Ако сте со детето цело време додека учи, тоа нема да преземе одговорност за слабите оценки.

Не заборавајте на методите пофалба и "казна". Важно е без стрес, детето да биде одговорно за своите акции. Разберете дека во голема мера нивното работење зависи од нивниот труд, но дека сте на располагање ако им треба појаснување, совет, препорака.

Односот помеѓу родителите и децата е нарушен

Создавањето на хармоничен однос помеѓу децата и родителите е нешто што не успева во секое семејство. Наместо да ја контролирате секоја задача, психолозите препорачуваат градење доверлив однос со вашето дете и трошење повеќе време заедно.

Читајте заедно книги на глас, разговарајте за случките во нив, разговарајте за она што се случува во науката, најдете нови и интересни работи кои може да се научат на пријатен начин – тоа се работи кои треба да ги правите заедно.

Читање приказни и важни лекции за децата

Психолозите велат дека учењето е лична задача за секое дете, а личната задача на родителите е безусловно да го сакаат своето дете. Љубовта е поважна од училишните белешки, нели?

Ако детето има тешкотии со наставниот материјал, но можете да видите дека вложува напори, поддржете го. Тоа е единствената причина што ќе го мотивира да продолжи да се обидува, а да не се намали неговата самодоверба.