/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мојата ќерка има 2 и пол години. Пред една година се обидов да ја научам да кажува кога и се оди во тоалет. Сепак не успеа. Едноставно увидов дека се уште не е спремна за тоа, плачеше и не сакаше да седне на нокшир. Кога го сфатив тоа, ја оставив да го набљудува нокширот. Да седнува на него(со облека) и слично. Па после некое време го тргнав на страна. Стоеше таму се до пред еден месец кога одлучив дека треба веќе да ги извадиме пелените, сметав дека доволно созреала и пораснала да го ја сфати поентата на седнување на нокшир. На почетокот мислев дека повторно ќе биде безуспешно. И го покажав и и објаснив за што служи. Без никакво противење прифати да седне на него. Првата недела и повеќе, ја ставав еднаш во денот на него занимавајќи ја со игра или со цртани, понекогаш стоеше на него и повеќе од половина час но без никаков резултат. Но научив да бидам трпелива. После една недела конечно се измочка, тоа беше радост голема од нејзина страна. После првото мочкање, почнав да ја ставам по 2-3 пати на нокшир и обично и требаше 10-15 минути да се измочка (не секогаш).

 
*
Сега сме во фаза на кажување кога и се мочка(нагласувам само за мочкање). Пелените буквално и се празни, дури и ноќе. Само што ќе стане наутро бара да мочка, а пред неколку дена се разбуди на полноќ и погодете што, побара да мочка. Исто така последните 2-3 дена голем дел од денот носи гаќички. Сметам дека постои голем напредок и сум среќна што мојата ќерка полека станува вистинско мало девојче. Се надевам дека во скоро време во целост ќе ги заборавиме пелените.

 
*
Нешто што би нагласила и со што би посоветувала мајка која се наоѓа во ваков случај е да биде трпелива, полна разбирање, спремна на многу валкана облека, спремна тоа навикнување да потрае.
И мислам дека најважно од се е да не го присилува детето. Доколку увиди дека во тој момент од било која причина детето не е спремно на таков чекор, во никој случај да не го присилува, бидејќи тоа делува негативно на детето.

*
Ништо не може да се случи преку ноќ,па така и ова. Можеби процесот на одвикнување ќе трае со месеци, но сепак трпеливоста и разбирањето ќе вроди со плод.
Како што тие не научија на љубов,така и ние ќе ги научиме да одат, зборуваат, се хранат па и да кажуваат кога им се оди во тоалет.

Follow mother.of.two.daughters on Instagram