/11 /11

Заради полесно варење, во исхраната на доенчето од 8 месеци најпрво се воведува бело пилешко месо и бело месо од млади животни.

Месото е многу важен извор на белковини со висока биолошка вредност, кои на детето му се потребни за изградба  на ткивата и органите. Тоа содржи есенцијални аминокиселини, кои се важни за правилен раст, развој и созревање на детето, а кои организмот не може сам да ги синтетизира. Затоа е потребно навреме да се внесе во исхраната на бебето.

Како последица на недостатокот на железо во организмот на бебето може да се појави сидеропенична анемија. Таквиот вид на анемија може да се спречи со воведување на продукти, како што е месото, кои го снабдуваат организмот со железо. Месото е важен извор на железо и тоа во облик кој организмот го искористува подобро од железото од зеленчукот, овошјето, житариците или млечните производи, а апсорпцијата му се подобрува во комбинација со производи кои се богати со витамин Ц.

Кога да се воведе бело, а кога црвено месо?

Најчеста родителска грешка во исхраната на децата е стравот од воведување на црвено месо.  Месото  е извор на витамини од групата Б, потребни за извршување на секојдневните активности, посебно витамин Б12 кој го нема во продуктите од растително потекло, а е неопходен за изградба на црвените крвни клетки и работата на нервниот систем.

Заради лесно варење во дохраната на доенчето од 8 месеци прво се воведува белото месо (пилешко, мисиркино) и месото на млади животни (телешко, јагнешко). Темното месо најчесто се воведува по 9. месец,  додека црвеното месо (јунешко и говедско) се препорачува по првата година.

Подготовка на месни оброци за бебе

Во почетокот месото треба да се дава блендирано, потоа пасирано и на крај ситно сецкано. Идеално е во комбинација со зеленук (кој детето веќе го има јадено), бидејќи така полесно ќе го прифати и голтне.  Можете да го сервирате и со житарици, кои ќе обезбедат доволна количина на влакна, потребни за регулирање на столицата. Во текот на подготовката на месото препорачливо е да се додаде растително масло (маслиново, сончогледово) кое е носител на витамините А, Д, Е, К и на масни киселини. Солта не е препорачлива во подготовката на оброците.

Важно е секогаш да одберете свежо месо со највисок квалитет. Заради тоа обрнете внимание на местото од каде купувате.