/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Од кога смеат да се користат зачини во исхраната на бебето?

Доколку сакате да додадете зачини во исхраната на бебето бидете многу внимателни и користете ги во многу мали количини, посебно ако бебето е се уште мало. Зачините немаат голема нутритивна вредност, но се додаваат во исхраната за да го подобрат нејзиниот вкус и мирис

Доколку на детето помало од една година сакате да му дадете зачинета храна, претходно информирајте се дали одредени зачини се дозволени во исхраната.

Кои зачини смеете да ги дадете на детето и од која возраст?

• Ловоров лист, магданос, целер можете да додадете во храната која ја подготвувате за бебето постаро од 9. месеци.
• Лук и кромид и тоа само термички обработени можете да додадете во исхраната на бебето по првата година
• Ванила може да додадете во исхраната на бебето постаро од 9.месеци, а цимет на бебињата постари од 1. година
• Рузмарин и босилек, може да се даваат по 2. година од животот

Дали зачините  можат да бидат корисни за бебето?

Многу од зачините, кои се додаваат на храната, или се подготвуваат како чај, можат да бидат многу корисни за бебето, како на пример:

• ѓумбир, кој е одличен за проблеми со стомакот, како и цимет кој се препорачува при случај на дијареја.
• коријандер, помага против гасови и го подобрува апетитот.
• нането, помага при проблеми со варење, но и за ослободување на дишните патишта.

Дали зачините можат да му наштетат на бебето?

Зачините како бел и црн бибер, киселина и рен, може да ја надразнат слузокожата на желудникот и цревата, па е подобро да се избегнуваат додека детето не порасне и не му се зајакне организмот. Доколку подготвувате храна за целото семејство, по желба секој нека ја зачини својата храна, бидејќи за бебето не се потребни засилувачи на вкусот на храната. Исто така може да се добие алергиска реакција на некој од зачините.

Дали смеете да додавате  винска или лимонска киселина во храната?

Многу производи кои ги купуваме содржат винска киселина, или лимонска киселина (бонбони, џемови, компоти)

Децата помали од две години воопшто не смеат да консумираат киселина, а од 2-3 години смеат но во исклучително мали количини.